ZŠA papiaredzili Biełaruś pra «rašučy i chutki adkaz», kali Ukrainu atakujuć z našaj terytoryi
Pra heta zajaviŭ pres-sakratar Dziarždepartamienta Ned Prajs na štodzionnym pres-bryfinhu.
«My dali zrazumieć Biełarusi, što, kali jana dazvolić vykarystoŭvać svaju terytoryju dla ataki na Ukrainu, to sutykniecca z chutkim i rašučym adkazam z boku ZŠA, našych sajuźnikaŭ i partnioraŭ», — raspavioŭ jon.
Ned Prajs taksama dadaŭ, što ŭ takoj situacyi NATA moža pajści na naroščvańnie sił u krainach — členach aljansa, jakija miažujuć ź Biełaruśsiu.
Nahadajem, 24 studzienia Alaksandr Łukašenka paviedamiŭ, što da jaho daviali pazicyju Dziarždepartamienta ZŠA.
— Pryjechali da našych dypłamataŭ u Ńju-Jorku i pahražajuć nam: dy kali vy dazvolicie Pucinu i Rasii, dazvolicie heta, to, to my ŭviadziom sankcyi. Kali vy heta jadziernuju zbroju vierniecie ŭ Biełaruś, budzie toje i heta. Razumiejecie, mientarski niejki ton u dačynieńni da Biełarusi. ( … ) Nam nie treba nijakaj vajny. Ale hetyja ž amierykancy rukami palakaŭ, łatyšoŭ i sami asabista padšturchoŭvajuć nas da hetych dziejańniaŭ. My byli donaram biaśpieki ŭ rehijonie. Nas zaŭsiody pavažali za heta. Navošta vy nas u 2020 hodzie šturchajecie i robicie ahresarami. Pa ich terminałohii. Navošta heta treba było? A siońnia jany nam pahražajuć, — skazaŭ u paniadziełak Łukašenka.
Čytajcie taksama:
Rasijskija vojski prybyvajuć u Biełaruś — kolki, z čym i navošta?
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary