Cichanoŭskaja apublikavała artykuł u samaj papularnaj haziecie Narviehii. Piša pra poŭnuju nieabaronienaść pracoŭnych u Biełarusi
«Biełarusy čakajuć bolš kankretnych dziejańniaŭ ad kampanii Yara», — piša Śviatłana Cichanoŭskaja.
Supraca Yara z «Biełaruśkalijem» daje minskamu režymu hrošy na ŭtrymańnie represiŭnaj mašyny, piša lidarka biełaruskaha ruchu za svabodnyja vybary ŭ vydańni VG, samym tyražnym vydańni skandynaŭskaj krainy.
Jana nahadvaje, što Yara abiacała pierahledzieć svaju prysutnaść u Biełarusi, uličvajučy situacyju z pravami čałavieka. A jana tolki pahoršała. Cichanoŭskaja nahadvaje, što jaje muž, Siarhiej Cichanoŭski, byŭ asudžany na 18 hadoŭ turemnaha źniavoleńnia.
Jana taksama piša pra poŭnuju nieabaronienaść pracoŭnaha čałavieka ŭ Biełarusi. Aryštavanyja 9 z 12 lidaraŭ «Rabočaha ruchu», zvolnienyja prykładna 130 supracoŭnikaŭ «Biełaruśkalija», raskazvaje Cichanoŭskaja.
«Ahułam na siońnia viadoma pra prykładna 1000 palitviaźniaŭ», — piša Cichanoŭskaja.
«Vidavočna, što partniorstva «Biełaruśkalija» i Yara — častka apory represiŭnaha režymu. A finansavańnie režymu raŭnaznačnaje finansavańniu represij».
Cichanoŭskaja zaklikaje Yara dziejničać pa prykładzie 32 inšych mižnarodnych kampanij, siarod jakich Rolls Royce, Scandia Steel i British American Tobacco, i admovicca ad supracoŭnictva z łukašenkaŭcami.
«Raniejšych namahańniaŭ Yara, skiravanych na dasiahnieńnie pieramien da lepšaha, niedastatkova. Ciapier patrebnyja kankretnyja dziejańni.
My chacieli b bačyć Yara partnioram u budučyni, — padkreślivaje Cichanoŭskaja. — Ale ciapier dla Yara čas spynić supracoŭnictva i nie spansaravać režym».
Ciapier čytajuć
Tramp zaprasiŭ Łukašenku ŭvajści ŭ Radu miru pa Hazie38
Kamientary