Sud pakinuŭ u sile rašeńnie «ab niepažadanaści» komika Mirzalizade ŭ Rasii
Adpaviednaje rašeńnie Maskoŭski haradski sud pryniaŭ 9 śniežnia, pakinuŭšy ŭ sile rašeńnie Zamaskvareckaha rajonnaha suda ab niepažadanaści znachodžańnia ŭ Rasii Idraka Mirzalizade, komika ź biełaruskim hramadzianstvam.
Ministerstva ŭnutranych spraŭ Rasii raniej zajaviła ab «pažyćciovaj» zabaronie dla komika na znachodžańnie ŭ krainie, ale Idrak asprečyŭ zabaronu. Ciapier palicyja pavinna pryniać novaje rašeńnie, z razumnym terminam «niepažadanaści» Mirzalizade (heta značyć, da jakoha času jon nie zmoža pryjechać u Rasiju).
U kancy žniŭnia MUS Rasii pažyćciova zabaraniła ŭjezd artystu. Na dumku palicyi, u svaim publičnym vystupie Mirzalizade dapuściŭ vyrazy, jakija raspalvajuć varožaść i nianaviść u dačynieńni da asob ruskaj nacyjanalnaści.
Sam Idrak Mirzalizade naradziŭsia ŭ Azierbajdžanie (pavodle nacyjanalnaści jon tałyš), ale vyras u Biełarusi, skončyŭ univiersitet. Pašpart u jaho biełaruski. Paśla vučoby jon pierajechaŭ u Maskvu, dzie zrabiŭ karjeru ŭ kamiedyjnych šou i stendapie.
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu10
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary