Biełarusi nie treba prymać nijakich dadatkovych zakonaŭ dla pryznańnia Kryma nie tolki ŭ siłu sajuźnickich adnosin, ale i jak krainie, jakaja pavažaje suvierenitet Rasii, zhodna sa Statutam AAN.
Pra heta zajaviŭ žurnalistam ministr zamiežnych spraŭ Rasii Siarhiej Łaŭroŭ u sieradu, kamientujučy TASS zajavu Alaksandra Łukašenki.
«Dla hetaha nie treba ničoha rabić. Nijakich zakonaŭ prymać nie treba. U Biełarusi nie prosta dypłamatyčnyja adnosiny z RF, a sajuźnickija adnosiny. Ale navat i dla krain, u jakich niama takoha farmatu adnosin z RF, nie patrabujecca nijakich śpiecyjalnych zakanadaŭčych aktaŭ prymać.
Kali hetaja kraina ŭzajemadziejničaje z nami, jana aŭtamatyčna pavinna pryznavać, što Rasija maje svaju terytoryju, na jakuju raspaŭsiudžvajucca paŭnamoctvy taho ŭrada, kiraŭnictva, jakoje ŭ Rasii isnuje.
Kali kamuści tam heta było nie da kanca zrazumiełaje, to prezident Łukašenka jasna skazaŭ, što Krym — častka Rasii de-fakta i de-jure. De-fakta — byŭ zaŭsiody, a de-jure — staŭ paśla refierendumu ŭ 2014 hodzie», — skazaŭ jon, adkazvajučy na pytańnie pra toje, što treba zrabić, kab Minsk farmalizavaŭ pryznańnie Kryma.
Łukašenka ŭ intervju prapahandystu Kisialovu pryznaŭ Krym rasijskim. Što jon raniej kazaŭ pra paŭvostraŭ?
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca11
Kamientary