«Terminova treba znajści paciarpiełych milicyjanieraŭ». U internet źlili razmovu čałavieka z hołasam, padobnym da hołasu Karajeva
U internecie źjaviŭsia zapis razmovy, jakaja, jak śćviardžajecca, była zroblenaja 10 vieraśnia 2020 hoda. Na zapisie čałaviek z hołasam, padobnym da hołasu na toj momant ministra ŭnutranych spraŭ Juryja Karajeva, havoryć sa svaim padnačalenym. Načalnik na zapisie daje ŭkazańnie svajmu padnačalenamu, što treba terminova znajści milicyjanieraŭ, paciarpiełych padčas razhonu akcyj pratestu.
«Hladzi, terminova treba znajści tych, chto paciarpieŭ u vyniku dziejańniaŭ na masavych biesparadkach, ja maju na ŭvazie našych milicyjanieraŭ. Kab jany dali intervju, heta vielmi važna. U vas jość takija?» — udakładniaje mužčyna z hołasam Karajeva.
«Tavaryš ministr, u nas paciarpieli ŭ Maładziečnie — supracoŭnik kryminalnaha vyšuku. Ale ŭ bolšaj stupieni paciarpieli supracoŭniki ŭnutranych vojskaŭ — i ŭ Maładziečnie, i ŭ Žodzinie. A va ŭsich astatnich vypadkach paškodžańni, jany niaznačnyja».
Akazałasia, što paciarpieły supracoŭnik kryminalnaha vyšuku ŭ Maładziečnie ŭžo davaŭ intervju.
«Tady jaho nie treba. Tady na vajskoŭcaŭ abapirajemsia», — kaža hołas, padobny da hołasu Karajeva.
Nahadajem, u intervju BBC Łukašenka papraknuŭ žurnalistaŭ u tym, što jany nie pakazvajuć pabituju milicyju i bajcoŭ z Akreścina.
Karespandent chacieŭ prademanstravać Łukašenku videa, na jakim pakazanyja ludzi, jakija vychodzili ź izalatara na Akreścina ŭ Minsku z traŭmami, atrymanymi ŭ vyniku źbićcia.
«Nie treba, nie treba. Ja heta pryznaju, pryznaju», — adkazaŭ Łukašenka. «I ŭ «Akreścina» atrymlivali tam. — praciahnuŭ jon. — I źbituju milicyju… Vy tolki bajcoŭ z «Akreścina» nie pakazvali, što jany byli źbityja».
U žniŭni minułaha hoda Łukašenka paviedamlaŭ pra «bolš za sto paciarpiełych» siłavikoŭ.
Ciapier čytajuć
Historyja 12‑hadovaj Viery ŭ minskaj infiekcyjnaj balnicy nastolki ŭraziła biełarusaŭ, što ciapier čarha z achvotnych dapamahčy6
Kamientary