Mihranty z Iraka pakazali, jak jany dva tydni žyli ŭ lesie na biełaruska-łatvijskaj miažy. VIDEA
U pačatku žniŭnia na biełaruska-łatvijskaj miažy sustrelisia dźvie hrupy mihrantaŭ ź Iraka. Razam ich byŭ 41 čałaviek, z katorych 11 dziaciej. Ciaham niekalkich dzion ich adłoŭlivali i viartali da miažy i łatvijskija, i biełaruskija pamiežniki. Mihranty vymušanyja byli raźbić łahier prosta kala pamiežnych słupoŭ. Ciaham hetaha času irakcy zdymali na videa svoj pobyt.
Na videa bačna, što irakcy tulilisia na niejtralnaj pałasie, a pobač kala ich stajać pamiežniki.
Spać mihrantam davodziłasia prosta na ziamli. Kab sahrecca, jany pastajanna palili vohniščy. A kab nie zmoknuć ad daždžoŭ, apranali na siabie i svaich dziaciej pakiety dla śmiećcia.
Na suviazi z «Našaj Nivaj» byŭ adzin z udzielnikaŭ hrupy — 19-hadovy Rava Jasen. Da taho, jak patrapić u Biełaruś, Rava žyŭ u horadzie Erbil — stalicy Kurdskaj aŭtanomnaj akruhi ŭ Iraku.
Razam sa svajakami i siabrami jon prylacieŭ u Miensk u pačatku žniŭnia, paśla čaho nieviadomyja ludzi advieźli ich usich na miažu.
Tydzień tamu suviaź z Ravam abarvałasia, ale jon paśpieŭ dasłać tyja samyja videa ŭ redakcyju. Što ciapier ź mihrantami i samim Jasenam, nieviadoma.
Nahadajem, ź lipienia pamiežniki Łatvii, hetaksama jak i ich kalehi z Polščy i Litvy, nie prapuskajuć na svaju terytoryju bolšaść mihrantaŭ, jakija prybyvajuć ź Biełarusi. U ES abvinavačvajuć Biełaruś u arhanizacyi nielehalnych patokaŭ mihrantaŭ i nazyvajuć dziejańni biełaruskich uładaŭ i pamiežnikaŭ «hibrydnaj atakaj».
Čytajcie taksama:
Mihracyjny kryzis na biełaruska-litoŭskaj miažy: što nie tak z arhumientami łukašenkaŭcaŭ?
Ciapier čytajuć
«Chłopcy padnieśli maje sumki — i tut ža pajechali ŭ ŠIZA». Babaryka raskazaŭ, jak jamu stvarali ŭ turmie nievynosnyja ŭmovy2
«Chłopcy padnieśli maje sumki — i tut ža pajechali ŭ ŠIZA». Babaryka raskazaŭ, jak jamu stvarali ŭ turmie nievynosnyja ŭmovy
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1919
Kamientary