Biełaruś uviała časovuju zabaronu na vyvaz zbožža, u tym liku ŭ dziaržavy Jeŭrazijskaha ekanamičnaha sajuza (JEAES).
Dadzienaje rašeńnie pryniata ŭ adpaviednaści z pastanovaj urada, apublikavanaj u čaćvier na nacyjanalnym pravavym internet-partale.
Zhodna ź im, ustalavanaja časovaja zabarona na vyvaz pšanicy, žyta, jačmieniu, aŭsa, kukuruzy, hrečki, prosa, trycikale, inšych złakaŭ, a taksama nasieńnia rapsu.
Aproč taho, pastanovaj ustanoŭlena časovaja zabarona na vyvaz dadzienych tavaraŭ «za miežy mytnaj terytoryi JEAES z Respubliki Biełaruś u dziaržavy, jakija nie źjaŭlajucca dziaržavami-členami JEAES, tavaraŭ, źmieščanych pad mytnyja pracedury ekspartu, časovaha vyvazu, pierapracoŭki pa-za mytnaj terytoryjaj i reekspartu».
Paźniej vice-premjer Alaksandr Subocin prakamientavaŭ žurnalistam zabarony.
«Takaja zabarona była pa viaśnie i ciapier. Heta miera časovaja», - skazaŭ vice-premjer.
Alaksandr Subocin rastłumačyŭ, što taki krok nie supiarečyć mižnarodnamu zakanadaŭstvu, u tym liku abaviazacielstvam Biełarusi ŭ ramkach JEAES.
«My zabaraniajem vyvaz zbožža na ekspart dla taho, kab nasycić unutrany rynak. Kali my budziem bačyć, što ŭsio pazityŭna składvajecca, my tady, viadoma, pryadčynim hetuju «zasłonu» i padkarektujem. Ale pakul voś tak. Pryjarytet — unutrany rynak, našy ludzi», — pryvodzić słovy Subocina ŭ svaim fejsbuku pres-sakratar urada Alaksandra Isajeva.
Raniej užo ŭvodzilisia takija zabarony. U krasaviku na try miesiacy byli ŭviedzienyja časovyja abmiežavańni na vyvaz niekatorych tavaraŭ, u tym liku hrečki, pšanicy, žyta, jačmieniu, aŭsa, kukuruzy, prosa, trycikale.
A ŭ lipieni na try miesiacy zabaranili vyvaz muki z pšanicy i śpielty, krupy hrubaha pamołu z hrečki, hatovych charčovych praduktaŭ z hrečki.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary