Pa vynikach pieršaha paŭhodździa 2021 hoda ŭ biełaruskaj pramysłovaści suadnosiny składskich zapasaŭ hatovaj pradukcyi da miesiačnaha abjomu vytvorčaści skłali 57%, źviartajuć uvahu Našy hrošy.
U anałahičnym pieryjadzie minułaha hoda hety pakazčyk byŭ 78% — byŭ značna vyšejšy, čym ciapier. Ale nie ŭsio tak prosta.
Sumarna ŭ Biełarusi na siaredzinu 2021 hoda na składach lažała pradukcyi na 5,4 młrd rubloŭ. A ŭ anałahičnym pieryjadzie minułaha hoda składskija zapasy dasiahali 5,5 młrd rubloŭ — jany nie mocna źmianilisia.
Jak ža tak vyjšła? Sioleta pradpryjemstvy prosta naraścili vytvorčaść. U 2020 vyrablali štomiesiac mienš, u 2021 — bolš. A voś zabityja pradukcyjaj składy jak byli, tak i zastalisia.
Z punktu hledžańnia ekanomiki, składskija zapasy — heta «zamarožanyja» srodki: na vytvorčaść užo vydatkavali hrošy, ale vyručku ad realizacyi jašče nie atrymali.
Na siońnia vytvorcy tekstylnaj pradukcyi i adzieńnia zapoŭnili składy na 3,6 miesiačnych abjomaŭ vytvorčaści. U farmaceŭtyčnaj halinie zapasy dasiahajuć 1,9 miesiaca (ahułam 269 młn rubloŭ).
Kamientary