Błohierku i markietołaha Nastu Piluhinu aryštavali na 15 sutak
Spravu Nasty Piluhinaj 30 lipienia razhledzieŭ sudździa Partyzanskaha rajona Michaił Makarevič. Nastu razam z astatnimi zatrymanymi ŭ sud dastavili asabista, paviedamlajuć pravaabaroncy.
Nahadajem, Piluhina była zatrymana 29 lipienia razam sa svaim chłopcam Uładzisłavam Pirtaniom. U Partyzanskim RUUSie na ich skłali pratakoły pa art. 24.3 KaAP — niepadparadkavańnie supracoŭnikam milicyi.
Na sudzie Nasta paviedamiła, što ŭčora ŭ KDB jaje dapytali ŭ jakaści śviedki pa art. 289 KK, ale padpiski ab nierazhałošvańni nie davała. Jana źviarnuła ŭvahu, što dapytvali jaje nie pa kryminalnaj spravie, a pa bijahrafii, a potym advieźli dadomu, dzie supracoŭniki KDB praviali pieratrus. Doma byŭ jaje chłopiec, jaki i adčyniŭ dźviery. BČB-ściahi dziaŭčyna adrazu samastojna addała, bo joj skazali, «što lepš samoj heta zrabić». Paśla pieratrusu Nastu zatrymali razam z Uładzisłavam Pirtaniom. Ale ich pasadzili ŭ roznyja słužbovyja mašyny. Potym pa darozie ŭ RUUS Piluhinu pasadzili ŭ mašynu, u jakoj užo siadzieŭ Aleh Urbanovič (siońnia jaho aryštavali na 14 sutak). Śviedčańni milicyjanta Nasta ličyć paklopam, bo ŭ RUUS jana prajšła dobraachvotna.
Sudździa Makarevič adchiliŭ chadajnictva advakatki ab prahladzie videakamier na terytoryi RUUSa, bo paličyŭ, što heta tolki jaje zdahadki. Vynik — 15 sutak.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary