Bieły dom: Bajden abmiarkuje z Pucinym Biełaruś i normy hramadzianskaj avijacyi
U Biełym domie paviedamili, što Bajden maje namier abmierkavać u Ženievie na sustrečy z rasijskim lidaram Uładzimiram Pucinym situacyju vakoł dypłamataŭ Rasii i ZŠA, a taksama Biełaruś, Ukrainu, Iran, KNDR, Siryju, Afhanistan, normy hramadzianskaj avijacyi, pierśpiektyvy dalejšaha razzbrajeńnia i baraćbu sa źmianieńniem klimatu, piša TASS.
«My taksama abmiarkujem abmiežavańni, jakija Rasija nakłała na našu dypłamatyčnuju płatformu ŭnutry Rasii. Na paradku dnia taksama buduć takija temy, jak Iran, Paŭnočnaja Kareja, Siryja, Afhanistan, Arktyka i źmianieńnie klimatu. Prezident taksama paćvierdzić našu prychilnaść suvierenitetu i terytaryjalnaj cełasnaści Ukrainy, i my budziem kazać pra Biełaruś i nieabchodnaść zachavańnia normaŭ hramadzianskaj avijacyi, jakija, jak my bačym, hruba parušalisia ŭ apošnija tydni», — raspavioŭ staršy dyrektar pa Rasii i Centralnaj Azii Rady nacyjanalnaj biaśpieki Biełaha doma Eryk Hryn.
Bajden taksama maje namier padniać pytańnie ab budučych damoŭlenaściach pa kantroli nad uzbrajeńniami, dadaŭ jon, adznačyŭšy, što ZŠA pavinny pracavać z Rasijaj pa «klučavych vyklikach u śviecie» niezaležna ad taho, padabajecca heta Vašynhtonu ci nie.
Nahadajem, raniej pres-sakratar Kramla Dźmitryj Piaskoŭ paviedamlaŭ, što Pucin nie płanuje padymać temu Biełarusi na sustrečy z Bajdenam, ale hatovy dać tłumačeńni, kali ZŠA sami zakranuć hetaje pytańnie.
Ciapier čytajuć
Čamu amierykancy tak irvucca na Miesiac, što tam buduć zdabyvać? I što da taho biełarusam? Tłumačyć biełaruski astrafizik6
Kamientary