U pasiołku Ratamka, što pad Minskam, zdaryŭsia pažar. Hareła stajnia Centra konnaha sportu.
Adzin z supracoŭnikaŭ kaža, što ŭsio zdaryłasia vielmi chutka:
«Za 15 chvilin razharełasia. Unutry śpiakotna, siena nakładziena — dastatkova iskry, kab pałychnuła. My pabačyli dym i pabiehli chutčej tudy».
Spačatku zaharełasia adna stajnia, paśla ahoń pierakinuŭsia na susiedniuju. Koniej — ich tam było 40-50 — vyvieli: vypuskali i adrazu začyniali za imi dźviery, kab nie biehli nazad. Pałovu z koniej užo raźvieźli na inšyja stajni.
Pa słovach vidavočcaŭ, kali pažarnyja pryjechali, dach pieršaj stajni ŭžo pałychaŭ. Ratavalniki vynieśli z budynka kaciania.
MNS u svaim telehram-kanale paviedamlaje: «Haryć T-padobny budynak stajni, pavodle aktualnaj infarmacyi, usich koniej paśpieli vyvieści z budynka, infarmacyi ab paciarpiełych ludziach taksama niama. Praciahvajecca tušeńnie pažaru».
Paźniej pažar byŭ łakalizavany, u 13.30 jaho patušyli.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary