Internet i ŚMI

11 zatrymanych i mała jasnaści. Voś što viadoma pra situacyju z Tut.by na hety momant

Paśla taho, jak ranicaj 18 maja siłaviki ŭvarvalisia ŭ hałoŭny i rehijanalnyja ofisy Tut.by i ŭ kvatery niekalkich supracoŭnikaŭ, vosiem čałaviek zatrymanyja. Miescaznachodžańnie mnohich inšych było nieviadoma da poźniaj nočy.

U Kamitecie dziaržkantrolu zajavili, što ŭ dačynieńni da słužbovych asob TAA «Tut baj Miedyja» zaviedziena kryminalnaja sprava pa prykmietach składu złačynstva, praduhledžanaha č. 2 art. 243 KK (uchileńnie ad vypłaty sum padatkaŭ, zboraŭ u asabliva bujnym pamiery). Majučy status rezidenta PVT, kampanija nibyta atrymlivała vyručku, nie abumoŭlenuju dziejnaściu, dazvolenaj dla rezidentaŭ, paviedamlaje partał.

Supracoŭniki, jakija byli ŭ hałoŭnym ofisie, i žurnalisty, što pryjechali da ich, pierastali vychodzić na suviaź. Mnohich ź ich pratrymali ŭ budynku da poźniaj nočy.

Paralelna z hetym Mininfarm abmiežavaŭ dostup da sajta Tut.by, spasyłajučysia na toje, što Hienprakuratura ŭstanaviła fakty parušeńniaŭ zakona ab ŚMI ŭ častcy raźmiaščeńnia ŭ publikacyjach zabaronienaj infarmacyi. U pryvatnaści niezarehistravanaha fondu BYSOL. Abmiežavany dostup i da inšych internet-resursaŭ TUT.BY, uklučajučy poštu mail.tut.bu i prajekt pa zbory hrošaj na lačeńnie help.blog.tut.by.

Pieratrusy prajšli ŭ hałoŭnaha redaktara Maryny Zołatavaj, redaktaraŭ Hanny Rudenka, Volhi Saŭkiŭ, namieśnika hałoŭnaha redaktara Maksima Hajko, žurnalista Aleny Taŭkačovaj.

Hanna Rudenka i Volha Saŭkiŭ paśla pieratrusaŭ zastalisia na voli. Marynu Zołatavu i Alenu Taŭkačovu zabrali na dopyt u DFR. Hałoŭny redaktar paśpieła paviedamić, što jana, dyrektar TAA «Tut baj miedyja» Ludmiła Čekina i hałoŭny buchhałtar kampanii Anžeła Asad mohuć prachodzić pa artykule 243 KK.

Maksim Hajko vyjšaŭ na volu ŭviečary paśla dopytu ŭ DFR, u toj čas jak niekatorych supracoŭnikaŭ pavieźli ŭ IČU na Akreścina.

U hety ž dzień siłaviki prychodzili taksama ŭ ofisy Hoster.by i av.by.

Na hety momant zatrymanyja 11 supracoŭnikaŭ TUT.BY:

— namieśnik hałoŭnaha buchhałtara Maryja Novik

— namieśnik hienieralnaha dyrektara pa techničnych pytańniach Alaksandr Dajneka

— mieniedžer Andrej Aŭdziejeŭ

— redaktar Volha Łojka (znachodzicca na Akreścina)

— žurnalist Alena Taŭkačova (znachodzicca na Akreścina)

— hałoŭny redaktar Maryna Zołatava

— hienieralny dyrektar Ludmiła Čekina

— hałoŭny buchhałtar Anžeła Asad

— namieśnik dyrektara Iryna Rybałka

— hałoŭny inžynier Ała Łapatka

— juryst Kaciaryna Tkačenka.

Status zatrymanych da hetaha času niezrazumieły, pa najaŭnaj infarmacyi, 18 maja advakataŭ u DFR da zatrymanych tak i nie dapuścili.

Dahetul ni blizkim, ni advakatu nieviadoma, dzie znachodzicca ŭdava Juryja Zisiera Julija Čarniaŭskaja.

Kamientary

Ciapier čytajuć

Hałyhina prymusili apraŭdvacca za zvarot da siłavikoŭ u 2020-m2

Hałyhina prymusili apraŭdvacca za zvarot da siłavikoŭ u 2020-m

Usie naviny →
Usie naviny

Dziaŭčyna z-pad Maładziečna niekalki miesiacaŭ žyła ŭ Hdańsku na vulicy. Jana raskazała pra svajo niaprostaje žyćcio21

Nazvany top-25 kampanij ź biełaruskim kapitałam na Padlaššy

Hienštab Ukrainy paviedamiŭ, što straty Rasii pieravysili 1 miljon čałaviek6

Prezident Sierbii pachvaliŭsia, što nie padpisaŭ dekłaracyju samitu ŭ Adesie i «nie zdradziŭ» Rasii7

U minskim kafe zakazy razvozić robat-aficyjant

Chłopčyki ŭžo nie ŭ modzie? Baćki ŭsio čaściej chočuć dačok4

U Biełarusi znoŭ sabrali hrošy na lačeńnie dziciaci z SMA1

U najbližejšy čas Izrail moža ŭdaryć pa Iranie9

Amierykanski miljanier pryjechaŭ u Polšču, kab nabyć futbolny kłub, i naśmierć padaviŭsia varenikam14

bolš čytanych navin
bolš łajkanych navin

Hałyhina prymusili apraŭdvacca za zvarot da siłavikoŭ u 2020-m2

Hałyhina prymusili apraŭdvacca za zvarot da siłavikoŭ u 2020-m

Hałoŭnaje
Usie naviny →

Zaŭvaha:

 

 

 

 

Zakryć Paviedamić