8 krasavika ŭ Maładziečna kamanda partyi «Razam» płanavała pabačycca ź miascovymi žycharami. Heta pavinna była być pieršaja sustreča z pradstaŭnikami płanavanaj partyi, ab namiery stvaryć jakuju zajavili ŭdzielniki štaba Viktara Babaryki.
Sustreča nie zmahła adbycca ŭ poŭnym zapłanavanym farmacie. Jak tłumačać pradstaŭniki štaba, «paŭstała nieparazumieńnie z boku pradstaŭnikoŭ MUS», paviedamlaje «Rehijanalnaja hazieta».
Pierad pačatkam sustrečy siabra kamandy partyi «Razam» Maksim Bahracoŭ kansultavaŭsia z kiraŭnictvam miascovaha RAUS. «Dasiahnuć parazumieńnia ŭ dačynieńni da statusu našaha mierapryjemstva ŭ hety raz nie atrymałasia» — raskazali pradstaŭniki štaba.
Kala dziesiaci maładziečancaŭ pryjšli na mierapryjemstva, dzie sustreču pačali pravodzić vałanciory štaba, adnak nieŭzabavie ŭ pamiaškańnie pryjšli supracoŭniki Maładziečanskaha RAUS. Jany paviedamili, što mierapryjemstva niesankcyjanavanaje, i zaklikali razyścisia. Zatrymańniaŭ nie było.
«Praca nad arhanizacyjaj sustreč u haradach Biełarusi praciahvajecca, vopyt Maładziečna budzie ŭličany pry padrychtoŭcy nastupnych sustreč», — skazali pradstaŭniki štaba.
Ciapier čytajuć
Što Babaryka i Kaleśnikava adkazali na pytańni pra vajnu92
Kamientary