Kiroŭcaŭ buduć štrafavać za pasažyraŭ-zamiežnikaŭ z «prablemnymi» dakumientami
Ciapier biełaruskija kiroŭcy buduć nieści adkaznaść za niezakonny ŭvoz asob u krainu, paviedamiŭ Dziaržaŭny pamiežny kamitet. Raniej takaja norma dziejničała tolki dla jurydyčnych asob abo IP, ale z 1 sakavika jaje prapisali ŭ novym KaAP i dla fizičnych asob, piša Tut.by.
Rzamova idzie pra artykuł Kodeksa «Niezakonny ŭvoz asobaŭ u Respubliku Biełaruś» (art. 24.56). Za jaho parušeńnie kiroŭcu pahražaje štraf da 20 bazavych vieličyń (ciapier heta 580 rubloŭ).
— Kiroŭca pavinien pierakanacca ŭ zakonnaści ŭjezdu ŭ Biełaruś zamiežnych pasažyraŭ abo asob biez hramadzianstva, jakija pastajanna pražyvajuć za miežami Biełarusi, — tłumačać novaŭviadzieńnie ŭ DPK. — Kali ž jon pryviazie zamiežnikaŭ bieź nieabchodnych dakumientaŭ u punkt propusku, to budzie pryciahnuty da administracyjnaj adkaznaści.
U pamiežnym Kamitecie adznačyli, što heta praviła tyčycca i ŭjezdu z Rasii.
Ciapier kiroŭcu, u mašynie jakoha jedzie pasažyr-zamiežnik, varta pravieryć, ci jość u jaho pašpart, ci nie skončyŭsia jaho termin dziejańnia i ci sapraŭdy jon naležyć hetamu hramadzianinu. Akramia taho, dakumienty zamiežnika pavinny być prydatnymi dla pierasiačeńnia miažy (pašpart nie pavinien być parvany, razmalavany, a ŭsie zapisy, piačatki i podpisy nie pavinny być razmytyja abo ściortyja).
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA11
Kamientary