Zianon Paźniak: Značnaja vina ŭ razbureńni Kupałaŭskaha teatra lažyć na Łatušku, bo nie praduchiliŭ demaršu akcioraŭ
Lidar KCHP-BNF praciahvaje ŭ fejsbuku cykł dopisaŭ pra situacyju ŭ krainie.
U papiarednich dopisach dastałasia Babaryku (bo kreatura Kramla), Kanapackaj (bo jaje pachod na UNS — «učynak tupikovaj biezvychodnaści») i tym, chto vieryć u chutkaje paražeńnie Łukašenki (bo heta ejfaryčnyja iluzii). Ciapier Paźniak parazvažaŭ pra los Kupałaŭskaha teatra. Davodzić, što zvalniacca nie było patreby.
«Režym zvolniŭ [Łatušku] za niedahlad nastrojaŭ u teatry. Heta aburyła aktoraŭ. Tut ža ŭźnik absurdny poklič zvalniacca z teatra ŭ znak pratestu. Na heta nałažyłasia jašče abureńnie za zabojstvy mirnych demanstrantaŭ režymnymi karnikami, za chapun i katavańni ludziej. Aktory časta ludzi impulsiŭnyja. Łatuška nie paŭstrymaŭ kupałaŭcaŭ, nie patłumačyŭ, nie praduchiliŭ pamyłkovych razburalnych dziejańniaŭ. Praŭda, moža, jon nie razumieŭ, što robicca i što budzie. Ale heta nie mianiaje spravy».
Kamientary