Žychary Mazyra i Homiela, jakija skardzilisia na źbićcio ŭ milicyi, atrymali admovy z adnolkavym tekstam. Paraŭnajcie!
11 žniŭnia ŭ Homli zatrymali Dźmitryja Łukomskaha, a ŭ Mazyry — Juryja Čarankova z žonkaj. Jany raskazali pra źbićcio i ździeki ŭ milicyi i padali zajavy, kab zaviali kryminalnyja spravy. Praź piać miesiacaŭ jany atrymali admovy z adnolkavym tekstam. Dakumenty adroźnivajucca tolki imionami, piša «Radyjo Svaboda».
Pavodle Dźmitryja Łukomskaha, jaho bili pry zatrymańni i ŭ milicyi dručkami — pa hałavie, nahach, kałoli ihołkami, prymušali kryčać «Ja lublu milicyju».
«Vakoł byŭ žach, usiudy valalisia vybityja zuby, ludzi kryčali, stahnali, usie lažali na padłozie tvaram uniz, i ich bili», — apaviadaŭ jon.
Ź izalatara časovaha ŭtrymańnia, kudy jon trapiŭ biez prytomnaści, jon vyjšaŭ «uvieś sini». Jon padaŭ skarhu ŭ Śledčy kamitet.
Jurasia Čarankova zatrymali razam z žonkaj u Mazyry 11 žniŭnia. Jon apaviadaŭ «Paleskaj viaśnie» pra ździeki i katavańni ŭ Mazyrskim RAUS.
«Bili mocna paśla zatrymańnia. Bili ŭ adnapaviarchovym budynku, dzie mieścicca kryminalna-vykanaŭčaja inspekcyja, nasuprać asnoŭnaha korpusu Mazyrskaha RAUS», — śćviardžaŭ žychar Mazyra. Jon skazaŭ, što ŭ adździele ździekavalisia i ź jahonaj žonki, jakaja pracuje nastaŭnicaj.
Juraś Čarankoŭ padaŭ zajavu na źbićcio ŭ Śledčy kamitet. Ale kryminalnuju spravu raspačali na jaho pavodle artykułu 369 Kryminalnaha kodeksu — «Źniavaha pradstaŭnika ŭłady». Padstavaj staŭ jahony kamentar pra milicyju ŭ adnym z mazyrskich telehram-kanałaŭ. Paśla hetaha aktyvist z žonkaj byŭ vymušany źjechać za miažu.
Što adkazaŭ abodvum Śledčy kamitet?
Adnolkavyja adkazy žycharam Homiela i Mazyra sa Śledčaha kamitetu padpisanyja śledčym T. Biełarusam. U ich havorycca, što supracoŭniki Mazyrskaha RAUS (ci Centralnaha ŭ Homieli, — RS) nie ŭčyniali supraćpraŭnych dziejańniaŭ u dačynieńni da zajaŭnikaŭ,
- «nieabhruntavanaja fizyčnaja siła» i specyjalnyja srodki nie prymianialisia,
- adkul źjavilisia traŭmy — milicyi nie viadoma,
- zapisy kamer videanazirańnia ŭ pamiaškańniach AUS nie zachavalisia,
- dokazaŭ niezakonnaha prymianieńnia fizyčnaj siły i specyjalnych srodkaŭ nie atrymana.
-
Pad Minskam adkryli zavod, dzie robaty vypuskajuć duchavyja šafy
-
«Časta na «chimii» składana rabić samyja prostyja rečy». Cichanoŭskaja vykazała spačuvańni z pryčyny śmierci Aleny Pankovaj
-
Biełaruska, jakaja vyrablaje broški ŭ vyhladzie dziaŭčat z čyrvona-zialonymi kakošnikami, ščyra nie razumieje, čamu jaje krytykujuć
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»8
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary