Ihar Łosik: Nie treba ŭhavorvać mianie spynić haładoŭku i zdacca
Ihar Łosik, jaki amal miesiac trymaje haładoŭku ŭ turmie, tłumačyć u liście, čamu nie spynicca.
«Amal miesiac prajšoŭ z pačatku majoj haładoŭki. Chacieŭ by vykazać padziaku ŭsim, chto mianie padtrymlivaje. Niahledziačy na toje, što mnie z aŭtorka minułaha tydnia pierastali pieradavać vašy listy, ja viedaju, što vy mnie pišacie. Šmat pišacie. Usim, ad kaho ja atrymaŭ listy, ja adkazaŭ — čakajcie piersanalnyja słovy padziaki, malunki i naviny z majho turemnaha žyćcia. Napeŭna, viera ŭ vas, a taksama va ŭłasnuju pravatu i nievinavataść dajuć mnie sił trymacca. Usim daŭno vidavočna, što moj kryminalny pieraśled biespadstaŭny.
Vielmi vas usich prašu — nie treba ŭhavorvać mianie spynić haładoŭku i zdacca. Jak ja mahu zdacca, kali bolš za paŭhoda mianie trymajuć u turmie niezakonna. Ja ŭžo zabyŭ hołas svajoj dački. Ja razumieju, što maje rodnyja i ŭsie nieabyjakavyja ludzi vielmi chvalujucca za majo zdaroŭje. Ale spyniacca ja nie mahu i nie chaču. Svaim žyćciom ja budu rasparadžacca sam, a siły ŭ mianie pakul jašče jość. Ja vieru ŭ siłu vašaj salidarnaści».
Kryminalnaja sprava zaviedziena pa artykule «Arhanizacyja masavych biesparadkaŭ». Pravaabaroncy pryznali Ihara Łosika palitviaźniem.
Łosika zatrymali 25 červienia paśla pieratrusu doma ŭ Baranavičach.
Doma Ihara čakajuć žonka i dvuchhadovaja dačka.
Kamientary