«Vy možacie pamalicca za tych, chto apynuŭsia ŭ turmie tolki za vieru ŭ lepšuju budučyniu»: vinšavańnie Cichanoŭskaj z Rastvom
Śviatłana Cichanoŭskaja pavinšavała z Rastvom usich, chto śviatkuje jaho siońnia, 7 studzienia. Tekst źmieščany ŭ jaje telehram-kanale.
«Siońnia ja chaču pavinšavać z Rastvom biełaruskich viernikaŭ i pravasłaŭnych va ŭsim śviecie. Ciapier jano prychodzić da nas u niaprosty čas, ale ž na Rastvo Chrystova my śviatkujem mienavita naradžeńnie nadziei i viery.
Za apošnija miesiacy pravasłaŭnyja vierniki ŭ Biełarusi rehularna pakutavali ad biezzakońnia. Tych, chto vystupaŭ suprać hvałtu, aryštoŭvali i zvalniali. Byli i tyja, kaho zatrymali prosta pa darozie ŭ carkvu ŭ niadzielu, a ŭ Hrodnie milicyja razahnała dziciačy ranišnik na terytoryi prychoda. Zaraz BPC pahražajuć pazbaŭleńniem jurydyčnaha statusu. Ale ja vieru, što nastupnyja Kalady my sustreniem u takoj Biełarusi, dzie ŭsio heta budzie niemahčyma.
Carkva zaŭsiody pavinna zastavacca miescam, jakoje natchniaje, hurtuje i padtrymlivaje ludziej pa-za zaležnaści ad ich vieravyznańnia. A malitvy zaŭsiody pavinny kazać ab śviecie i lubovi.
Svajoj malitvaj siońnia vy možacie padtrymać blizkich i paplečnikaŭ. U malitvie vy možacie zakranuć usich, chto apynuŭsia ŭ balnicy abo turmie tolki za vieru ŭ lepšuju budučyniu svajoj krainy. U malitvie vy možacie padtrymać navat tych, čyje ŭčynki nie ŭchvalajecie. Bo heta i jość pačatak mirnaha dyjałohu, jaki tak važny dla ŭsich nas».
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary