Ciapier były student BrDTU Michaił Jakuševič znachodzicca ŭ Polščy. Chutka jon pačnie navučańnie pa prahramie Kalinoŭskaha, piša Bresckaja hazieta.
U sudzie Maskoŭskaha rajona h. Bresta 14 śniežnia adbyłosia papiaredniaje pasiadžeńnie pa hramadzianskim pazovie bieraściejca Michaiła Jakuševiča da BrDTU. Zahadam rektara ad 28 kastryčnika hetaha hoda treciakurśnik, jaki vučyŭsia płatna na fakultecie elektra-infarmacyjnych sistem, byŭ adličany «za arhanizacyju 26 kastryčnika z 11.20 da 12.30 niezakonnaha masavaha mierapryjemstva ŭ faje ŭniviersiteta».
U toj dzień u krainie prachodziła «nacyjanalnaja zabastoŭka». Na pieršym paviersie hałoŭnaha korpusa BrDTU sabrałasia hrupa studentaŭ. Da ich vyjšli prarektar pa vychavaŭčaj pracy Natalla Jałovaja i pieršy prarektar Alaksandr Amieljaniuk. Studentaŭ pryviali ŭ aŭdytoryju dla dyjałohu, a praz dva dni stała viadoma pra adličeńnie dzieviaci čałaviek, u tym liku Michaiła Jakuševiča.
Intaresy chłopca, jaki ciapier znachodzicca ŭ Polščy, na padstavie davieranaści pradstaŭlaje jaho baćka — taksama Michaił. Baćka ličyć, što jaho syn nie ŭdzielničaŭ u masavym mierapryjemstvie. Zahad ab adličeńni, na jaho dumku, hruntujecca tolki na dakładnoj zapiscy Jałovaj, u jakoj, u svaju čarhu, niama faktyčnych dokazaŭ ździajśnieńnia dyscyplinarnaj praviny.
Tamu ŭ pazovie jon prosić pryznać niezakonnym zahad rektara BrDTU ab adličeńni i ŭskłaści na VNU sudovyja vydatki, źviazanyja sa spravaj.
Padčas papiaredniaha pasiadžeńnia jon paprasiŭ dałučyć da materyjałaŭ spravy daviedku ź milicyi ab tym, što jaho syn nie pryciahvaŭsia da administracyjnaj i kryminalnaj adkaznaści.
«Chaču źviarnuć uvahu na toje, što zahad ab adličeńni byŭ padpisany dvuma ludźmi — niepasredna rektaram i prarektaram Natallaj Jałovaj. Ni dekanam, ni pieršym prarektaram, nivodnym ź jurystaŭ, jakija pracavali va ŭniviersitecie, jon padpisany nie byŭ. Kiraŭnik jurydyčnaha adździeła, jakaja zvolniłasia adrazu paśla hetaha, admoviłasia padpisvać niezakonny, na jaje dumku, zahad», — padkreśliŭ pradstaŭnik pazoŭnika.
Zajaŭlenyja iskavyja patrabavańni ŭniviersitet nie pryznaje. Pavodle viersii BrDTU, 26 śniežnia Michaił Jakuševič ździejśniŭ adnačasova dva parušeńni, što stała padstavaj dla nakładańnia dyscyplinarnych spahnańniaŭ. Pieršaje — udzieł u niesankcyjanavanym masavym mierapryjemstvie ŭ faje ŭniviersiteta. Druhoje — propusk u hety ž čas pary. Za pieršaje parušeńnie Michaił atrymaŭ vymovu, za druhoje — adličeńnie.
Asnoŭnaje sudovaje pasiadžeńnie pa spravie pryznačana na 11 studzienia. Były student Michaił Jakuševič budzie ŭdzielničać u im pa videasuviazi.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary