«U Administracyi ludzi chvarejuć!» U Jutubie źjaviŭsia novy skandalny aŭdyjazapis
Novy aŭdyjazapis telefonnaj razmovy asob, čyje hałasy padobnyja da hałasoŭ ludziej z najbližejšaha atačeńnia Alaksandra Łukašenki, źjaviŭsia ŭ Jutubie.
Ciapier heta hałasy, padobnyja da pres-sakratarki Łukašenki Natalli Ejsmant i jaho asabistaha pamočnika Mikałaja Łatyšonka.
Razmova, miarkujučy pa ŭsim, adbyvajecca 22 listapada. Ź jaje vynikaje, što jany zvyčajna telefanujuć praź miesiendžary, ale heta znoŭ niadziela, mabilny internet adklučany, bo ŭ stalicy znoŭ pratesty, a tamu «Natalla Mikałajeŭna» zmahła dazvanicca «Mikałaju Leanidaviču» tolki praz zvyčajny telefon.
Jana zvaniła, kab papiaredzić pra toje, što nie zmoža źjavicca na pracu, i raskazała ab pryčynach hetaha.
Razmova znoŭ utrymlivaje niamała siensacyjnych momantaŭ. Jana, naprykład, tłumačyć śpiecyfičnuju rassadku top-čynoŭnikaŭ na naradzie 17 listapada. Tady, nahadajem, Natalla Ejsmant siadzieła bližej da Alaksandra Łukašenki, čym staršynia KDB. A pa pravuju ruku ad jaje siadzieŭ kiraŭnik Administracyi prezidenta Ihar Siarhiejenka, jaki vyhladaŭ vielmi blednym, heta było zaŭvažna na aficyjnych videa z narady.
«U Administracyi miesiacami ludzi chvarejuć!» — hučyć, siarod inšaha, u razmovie adnosna situacyi z kavidam na samych viarchach ułady.
Razmova maje šaniec razyścisia na miemy, jak i papiaredniaja.
«A možiet eto nie eto?» — pytajecca Mikałaj Leanidavič. I «piejtie tam pobolšie židkosti…» — raić jon surazmoŭcy na raźvitańnie.
Zapis vyhladaje aŭtentyčnym, prykmiet mantažu niezaŭvažna. Ale techničnych srodkaŭ, kab pravieryć jaho sapraŭdnaść, my nie majem.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary