Lider Ruchu za Svabodu Alaksandr Milinkievič daŭ pres‑kanfierencyju z nahody samitu «Ŭschodniaha partniorstva», što prajšoŭ 7 traŭnia ŭ Prazie.
Lider Ruchu za Svabodu Alaksandr Milinkievič daŭ pres‑kanfierencyju z nahody samitu «Ŭschodniaha partniorstva», što prajšoŭ 7 traŭnia ŭ Prazie.
Arhanizataram pajezdki alternatyŭnaj biełaruskaj delehacyi (u składzie Alaksandra Milinkieviča, Alaksandra Kazulina, Zianona Paźniaka, Stanisłava Šuškieviča i Ivonki Surviłły) byŭ češski ŭrad Mireka Tapałaneka, jaki ŭ chutkaści sychodzić u adstaŭku. Tym nie mienš, premjer‑ministr paabiacaŭ, što pierajeiemnaść u biełaruskim pytańni budzie zachavana.
Pavodle Milinkieviča, tolki ministr zamiežnych spraŭ Ispanii Maracinas vykazvajecca za supracu ź Biełaruśsiu biez usialakich umovaŭ.Milinkievič vykazvajecca za toje, što vielmi važna, kab hramadzianskaja supolnaść mieła ŭpłyŭ na farmiravańnie novaj palityki Jeŭrasajuzu ŭ dačynieńni da Biełarusi.
Razam z tym, jon
zaklikaje apazicyjnych palitykaŭ «pazbavicca palityčnaha infantylizmu».«Prapanoŭvajcie kankretnyja technałohii, prapanujcie, što zrabić, kab situacyja palapšałasia, a nie zajmajciesia prostaj fiksacyjaj parušeńniaŭ pravoŭ čałavieka», — kaža A.Milinkievič.
«Ja zadavoleny vizitam, chacia jon u peŭnym sensie farmalny. Jeŭrapiejcy sapraŭdy chočuć bačyć u niezaležnym hramadstvie partniora», — havoryć eks‑kandydat na pasadu prezidenta.
Adnosna składu delehacyi Milinkievič vykazaŭsia tak.
«Daŭno ŭ mianie nie było takich doŭhich razmovaŭ z Paźniakom. Mahu kanstatavać, što ŭ mianie ź im pazicyi našmat bližejšyja, čym z mnohimi liderami ADS.Naprykład, što da prapanovy ŭvodzić sankcyi suprać Biełarusi, to Zianon Paźniak skazaŭ, što suprać sankcyj, bo heta dazvolić prapahandzie havaryć, što na Zachadzie nas nichto nie čakaje».
Alaksandr Milinkievič skazaŭ, što byŭ hatovy razam ź inšymi palitykami padpisać zvarot da Jeŭrasajuzu, «bo tam šmat słušnych rečaŭ». Staršynia Ruchu za Svabodu nie pahadziŭsia tolki z adnym punktam, jaki tyčyŭsia taho, što Minsk i Maskva pravodziać tajemnyja pieramovy z metaj sapsavać «Uschodniaje partniorstva». «U mianie niama padstavaŭ tak kazać, bo niama nijakich dokazaŭ», — zaznačyŭ A.Milinkievič.
Palityk zaznačaje, što staŭleńnie da dziejańniaŭ biełaruskich uładaŭ nie pavinna razhladacca tolki ŭ čornych kolerach, hama pavinna być roznakalarovaj.«Kali Jeŭropa padpisvaje inicyjatyvu «Ŭschodniaha partniorstva», to pavinny skazać, što heta dobry krok. Kali ŭłada sadzić u turmu Aŭtuchoviča i jahonych siabroŭ, my pavinny pra heta ščyra kazać. Kali ŭłada kaža, što jana pra źmianšeńnie koštu na vizy, to my musim jaje padtrymać».
Na pytańnie karespandenta «NN», ci nie škaduje Milinkievič, što na pražski samit nie prylacieŭ Łukašenka, byŭ nastupny adkaz:
«Jość škadavańnie. Ja chaču, kab Biełaruś była pradstaŭlena na samym vysokim uzroŭni, ale zrazumieła, što Łukašenka svajoj dziejnaściu za apošnija šeść miesiacaŭ nie zasłužyŭ takoha zaprašeńnia.Ale toje, što Biełaruś u budučyni na padobnych forumach pavinna być pradstaŭlena vyšejšym kiraŭnictvam, to heta vielmi važna. Mała krokaŭ jašče zroblena, heta kaśmietyka. I ŭłada pavinna razumieć, što nie budzie ekanamičnaha supracoŭnictva, na jakoje jano vielmi raźličvaje, nie budzie finansavaj padtrymki, kali nie budzie kankretnych źmien».
Na pytańnie «Našaj Nivy» pra staŭleńnie da spravy Mikałaja Aŭtuchoviča, Milinkievič adkazaŭ:
«Ja pierakanany, što za hetym aryštam jość palityčny matyŭ. I heta, chutčej za ŭsio, palityčna matyvavany pieraśled.Ale zrazumiejcie, kali my kažam pra palityčnyja represii, to heta pavinna hruntavacca na kankretnych dokazach śledstva. I heta sprava nie palitykaŭ, a pravaabaroncaŭ».
U druhoj pałovie dnia ŭ piatnicu lider Ruchu za Svabodu Alaksandr Milinkievič źviarnuŭsia da Łukašenki adnosna spravy Aŭtuchoviča.
«Sprava vaŭkavyskich pradprymalnikaŭ nabyła mižnarodny rezanans, bo rasceńvajecca mižnarodnymi pravaabarončymi arhanizacyjami, jak mahčyma palityčna matyvavany pieraśled. Kab vyratavać žyćcio Mikałaju Aŭtuchoviču i ŭ metach palapšeńnia imidžu našaj krainy, prašu Vas ździejśnić akt dobraj voli i dziela zabieśpiačeńnia naležnych pravoŭ i zakonnych intaresaŭ zhadanych hramadzianaŭ Respubliki Biełaruś paspryjać nieadkładnamu pačatku adkrytaha sudovaha raźbiralnictva pa dadzienaj spravie abo źmienie miery ŭtrymańnia dla Mikałaja Aŭtuchoviča, Juryja Lavonava i Ŭładzimira Asipienki», — havorycca ŭ zajavie.
Ciapier čytajuć
Jak kupić kvateru ŭ Minsku, kali niama kamu dapamahčy? Zadajecca pytańniem biełarus, jaki adkładaje pa $1000 u miesiac i ŭsio adno ŭ adčai22
Kamientary