17 babrujskich piedahohaŭ abviaścili zabastoŭku da adstaŭki Łukašenki, ale…
U internecie źjaviłasia papiera z 17 podpisami nastaŭnikaŭ babrujskaj škoły №27. Piedahohi abviaścili biesterminovuju zabastoŭku, pakul nie vykanajuć ich patrabavańni: adstaŭka Łukašenki i ŭrada, pryznańnie vybaraŭ niesapraŭdnymi, vyzvaleńnie palitźniavolenych.
«Naša Niva» źviazałasia z dyrektarkaj škoły Natallaj Vinakur. Taja paćvierdziła — dakumient nie fejk, nastaŭniki sapraŭdy abviaščali zabastoŭku. Ale…
«U nas vialiki kalektyŭ, 130 čałaviek. Piedahohaŭ — 80. A pad hetaj papieraj padpisałasia tolki 17. Padbiła ŭsich nastaŭnica ruskaj movy. Jana ŭ paniadziełak paviedamiła mnie pra zabastoŭku, prapanavała padpisacca taksama. Ja nie stała, bo maju inšuju hramadzianskuju pazicyju», — raspaviała dyrektarka.
Hramadzianskaja pazicyja Natalli Vinakur lohka huhlicca. Žančyna nieadnarazova była staršynioj vybarčych kamisij. Jana člen «Biełaj Rusi», deputat harsavieta.
«Pa Pracoŭnym kodeksie, hetaja zabastoŭka niezakonnaja, bo ahučany palityčnyja patrabavańni. Ja skazała pra heta rabotnikam. I na nastupny dzień usie jany byli na pracy. Praciahvajuć pracavać i siońnia, nichto nie zvolniŭsia, i my nikoha nie zvalniali. Nastaŭniki paabiacali, što praciahnuć pracu, a list pierapišuć, heta budzie nie abviaščeńnie strajku, a zvarot, jaki jany buduć rassyłać pa instancyjach», — raspaviała Vinakur.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ94
Kamientary