«Tut pakazać realnyja hałasy, a ŭ vybarkam zdać, što paprasili». Źjaviłasia VIDEA, jak kamisija vyrašaje, jaki pratakoł pakazać

Z TUT.BY na ŭmovach ananimnaści pahadziŭsia pahutaryć adzin z čalcoŭ vybarčaj kamisii ŭčastku №44, jaki raźmiaščaŭsia ŭ SŠ №203 Minska. Hałasy na vybarach jon ličyć nie ŭ pieršy raz:

— Ja ščyra spadziavaŭsia na sumlennyja vybary, byŭ hatovy da «ŭkidaŭ», jak heta było ŭ minułyja hady, ale takoha biaźmiežnaha parušeńnia vybarčaha kodeksa jašče ni razu nie było.

Pa słovach našaha surazmoŭcy, padčas daterminovaha hałasavańnia vyviešvaŭsia praŭdzivy pratakoł, u im była adlustravana realnaja jaŭka vybarščykaŭ z 4 pa 8 žniŭnia — 150 čałaviek.

Pavialičyć

— A ranicaj 9 žniŭnia tam užo było 758 čałaviek! Kab vy razumieli: ahulnaja kolkaść zarehistravanych vybarščykaŭ na našym učastku — 1878, — pryvodzić ličby člen vybarčaj kamisii.

Jon pakazvaje vynikovy pratakoł. Toj, jaki bližej da nočy źjaviŭsia na dźvierach škoły: Śviatłana Cichanoŭskaja — 597 hałasoŭ, Alaksandr Łukašenka — 292, Hanna Kanapackaja — 54, Siarhiej Čerčeń — 37, Andrej Dźmitryjeŭ — 33.

— Hałasy my paličyli, ale ŭ pratakoł unieśli dadzienyja, jakija nie adpaviadajuć rečaisnaści, tamu što z ulikam kałasalnaha ŭkidu jaŭka atrymałasia b 130—150%, — tak kamientuje vynikovy pratakoł člen vybarčaj kamisii. — U pratakole, jaki my raźmiaścili, praŭdziva tolki toje, što pieramahła Cichanoŭskaja. Kali adkryli skryniu dla daterminovaha hałasavańnia, tam 99% hałasoŭ było za Łukašenku, a voś pa biuleteniach z asnoŭnaj skryni — situacyja była inšaj. Za Łukašenku z naciažkaj 10%, za Cichanaŭskuju — 85%. Astatnija nabrali niaznačna.

Jak śćviardžaje siabra vybarčaj kamisii, u pieršapačatkovy pratakoł byli ŭniesienyja inšyja ličby: 80% hałasoŭ za Łukašenku, 10% — za Cichanoŭskuju.

— Kamisija stała aburacca, kazała, nielha vyviešvać taki chłuślivy pratakoł. I dla taho, kab zaručycca padtrymkaj inšaj kamisii z učastka №45 i nie padstavić jaje, było vyrašana prahałasavać dvuma kalektyvami — za abviaščeńnie realnaj pieramohi Cichanoŭskaj, — praciahvaje raspaviadać naš surazmoŭca.

Kali tradycyjna padčas vybaru na ŭčastkach dziažuryć milicyja, to AMAP sioleta źjaviŭsia ŭpieršyniu. Siabra vybarčaj kamisii tłumačyć, čamu heta adbyłosia:

— Spačatku ŭ škole dziažuryli try supracoŭniki milicyi. Kali kolkaść ludziej na vulicy, paśla zakryćcia ŭčastka, stała pavialičvacca, u škołu prybyła jašče dva supracoŭniki, u ekipiroŭcy, z aŭtamatami. Potym pryjechali jašče 5 supracoŭnikaŭ AMAPa, zajavili, što evakujujuć tolki staršyniaŭ, sakrataroŭ, biuleteni i astatnija dakumienty, a nam paraili nie padać ducham i čakać prybyćcia AMAP u bolšaj kolkaści. Kali vyviesili pratakoły ź pieramohaj Cichanoŭskaj, uvieś natoŭp skandavaŭ: «Małajcy! Dziakuj!». Tamu my spakojna pakinuli budynak škoły.

• 0
• 0
• 0
• 0
• 0
• 0
• 1
• 0