Pryvatnyja łabaratoryi ŭ Biełarusi pačynajuć rabić testy na antycieły da karanavirusa
Pryvatnaja łabaratoryja «Sinevo» pačała testavańnie na antycieły da COVID-19, a ŭ sieradu, 5 žniŭnia, takija testy pačnie rabić jašče adzin pryvatnik — łabaratoryja «Sinłab», piša Tut.by.
3 žniŭnia łabaratoryja «Sinevo» pačała rabić testy na antycieły da COVID-19. Kroŭ biaruć ź vieny i zdać testy možna ŭ luboj łabaratoryi pa krainie: u Minsku, Baranavičach, Babrujsku, Breście, Viciebsku, Hancavičach, Homieli, Hrodnie, Žłobinie, Lidzie, Mahilovie, Mazyry, Maładziečnie, Navapołacku, Oršy, Pinsku, Połacku, Rečycy, Śvietłahorsku, Słucku, Smarhoni i Salihorsku. Test razam z pasłuhaj rehistracyi zakazu i ŭziaćciem bijamateryjału abyjdziecca ŭ 31 rubiel 13 kapiejek. Papiaredni zapis nie patrebny, kroŭ zdajecca našča ci tolki praź minimum čatyry hadziny paśla ježy.
U sieradu, 5 žniŭnia, testy na antycieły da COVID-19 pačnuć pravodzić u jašče adnoj pryvatnaj łabaratoryi — «Sinłab» (25 rubloŭ 87 kapiejek). Test taksama možna budzie zdać pa ŭsich filijałach: u Minsku, Viciebsku, Barysavie, Homieli, Hrodnie, Navahrudku, Słucku, Vaŭkavysku i Salihorsku.
Test na antycieły vyznačaje najaŭnaść antyciełaŭ kłasa M i G ŭ kryvi.
Kamientary