U Puškina skanfiskavali knihu «Biełaruś. Razryŭ pakaleńniaŭ» i «Biełaruskija viedamaści»
U ciahniku, jaki išoŭ z Varšavy ŭ Miensk, siońnia ŭnačy byŭ zatrymany viadomy mastak Aleś Puškin.
Aleś Puškin viartaŭsia z Varšavy, dzie znachodziŭsia pa zaprašeńni telekampanii Biełsat. Jak tolki ciahnik prybyŭ u Brest (pryblizna ŭ 01:10), biełaruskija pamiežniki biez tłumačeńnia pryčyn vyviali mastaka ź ciahnika. Puškina pratrymali ŭ centralnym adździele mytnaha kantrolu Bresta 2,5 hadziny.
Jak miarkuje mastak, jaho zatrymali «za biełaruskuju movu».
«U 01:10 nočy na stancyi Brest-Centralny ŭpieršyniu ŭ žyćci ja staŭ achviaraj vielmi surjoznaha i dbajnaha pieratrusu. U vahon uvajšła inśpiektar pamiežnaha kantrolu – Ludmiła Ŭłasava. Usio było dobra da taho času, pakul jana nie źviarnuła ŭvahu na maju biełaruskuju movu. Ułasava ŭziała moj pašpart i syšła, paśla čaho viarnułasia z supracoŭnikam pamiežkantrolu. Mianie pačali abšukvać. Z Varšavy ja vioz knihi, jakija kupiŭ u «Centry sučasnaj uvahi». Pamiežniki vyviali mianie z vahona i adviali centralny adździeł mytnaha kantrolu».
Pa słovach Alesia Puškina, jaho dbajna praviarali na praciahu 2,5 hadzin, paśla čaho kanfiskavali 2 nabytyja ŭ Varšavie knihi i adpuścili.
«Načalniki centralnaha mytnaha kantrolu Bresta, jaki pracuje pad numaram 09 – 0206 rabiŭ vyhlad, što nie razumieje biełaruskaj movy, — kaža Aleś Puškin. — U toj ža čas jon nadaŭ admysłovuju ŭvahu nabytym mnoju ŭ Varšavie kniham i prahladaŭ ich z razumieńniem. Mytniki skłali akt kanfiskacyi dźviuch knih – «Pratakoł zatrymańnia tavaraŭ i dakumientaŭ na ich №015014». U mianie zabrali knihu «Biełaruś. Razryŭ pakaleńniaŭ. Adroźnieńni ŭ metach, kaštoŭnaściach, stratehii» pad redakcyjaj Andreja Dyńka i «Biełaruskija Viedamaści №2» (Ńju-Jork – Varšava). Heta, viadoma, nonsens. Mytniki ŭ mianie spytali, navošta mnie hetyja knihi. Ja skazaŭ, što viazu ich z volnaj Polščy ŭ niavolnuju Biełaruś, kab u svajoj vioscy vučyć ludziej razumnamu, viečnamu, dobramu».
Praz 2,5 hadziny paśla zatrymańnia Alesia Puškina adpuścili. Knihi byli zabranyja da 14 maja dla vyvučeńnia źmiestu.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy48
Kamientary