Hramadstva2121

U vynikovym efiry BT ni razu nie pakazali Saładuchu, jaki vypadkova apynuŭsia pobač z Łukašenkam na płoščy Pieramohi

Padčas śviatkavańnia 3 lipienia internet ablacieli kadry, dzie pobač z Alaksandram Łukašenkam na placoŭcy la pomnika Pieramohi staić Alaksandr Saładucha. Artyst raspavioŭ, jak apynuŭsia pobač z kiraŭnikom krainy.

Skrynšot z žyvoj tranślacyi BT

Za niekalki dzion da Dnia Niezaležnaści śpievaku patelefanavali ź Ministerstva kultury i prapanavali ŭskłaści kvietki. Jon pahadziŭsia — pieršy raz takoje zaprašeńnie. Napiaredadni była repietycyja.

«3 lipienia ja pryjechaŭ z kiroŭcam na džypie, z synami. My z chłopcami prajšli prapusknyja punkty. Ja pavitaŭsia z usimi ministrami, staŭ na svajo miesca ŭ pieršuju šarenhu, i my pajšli, — raskazvaje Saładucha. — Užo tam na płoščy Pieramohi kiraŭnik krainy nas sustrakaŭ.

Pačałosia ŭskładańnie kvietak. Ja starajusia nikoli nie leźci napierad — pačakaŭ, pakul usie ŭskłali i samym finalnym byŭ. Pavaročvajusia — užo prezident pramovu kaža. Ja padumaŭ: nu kudy mnie iści? «Stoj na miescy», — unutrany hołas skazaŭ.

Ničoha niazručnaha nie było. Pačućcio honaru i kom u horle, što baćki ź niabiosaŭ nazirajuć. Baćka ž aficeram słužyŭ va Uzbrojenych siłach Savieckaha Sajuza, mama nastaŭnicaj pracavała — stolki jany ŭkłali ŭ mianie!»

Dla mierapryjemstva Alaksandr vybraŭ novy kaścium.

«Ja rychtavaŭ jaho da kancerta — u mianie ciapier stolki zaprašeńniaŭ. Ledź nie kožny dzień prymierki iduć — padhonka štanoŭ, pinžakoŭ. My vielmi šmat z Natašaj (žonkaj. — «NN») jeździm pa darahich kramach, zaŭsiody chočacca abnavicca krychu. Znajšli dobry kaścium siniaha koleru — čyrvona-zialonaja stužka vielmi ŭpryhožyła jaho. Ja vyrašyŭ na 3 Lipienia tak i pajechać, bo mianie vučyli: na vialikija mierapryjemstvy idzi zaŭsiody ŭ samym lepšym, što jość u harderobie».

Na vychodnyja śpiavak pierahladzieŭ naviny pa TB sa svaim udziełam. Kaža, hodna vyhladaŭ u kadry.

«Napeŭna, kali b było štości nie tak, užo vyrazali b. Voś učora ŭ «Konturach» usio pakazali. Try mocnyja kadry jość», — aceńvaje artyst.

U efiry ANT Saładuchu nasamreč pakazali — usio ž staić pobač z Łukašenkam, składana ni razu nie trapić u kadr.

A voś u vynikovym 15-chvilinnym siužecie ŭ efiry «Biełaruś 1» Saładucha nie źjaviŭsia ŭ kadry ni razu. Mantažory pa-majstersku čarhavali płany tak, kab vypadkovy hość nie trapiŭ u karcinku.

Kamientary21

Ciapier čytajuć

Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi1

Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi

Usie naviny →
Usie naviny

U Viciebsku dvuchhadovy chłopčyk upaŭ ź dziasiataha paviercha

Palina z Salihorska nabrała 400 bałaŭ na ekzamienach. Voś kudy jana budzie pastupać7

U Kiraŭsku brat zabiŭ siastru, chočučy abaranić jaje ad mužčyn sa svaich halucynacyj

Na Zasłaŭskim zamku sprabujuć raskryć tajamnicu padziemnaha chodu2

Iran prypyniŭ zdabyču hazu na najbujniejšym u śviecie radoviščy

Paśla raznosu Łukašenki «Biełaruśfilm» biarecca stvarać «liniejku svaich sieryjałaŭ»5

«Heta nie samy pryvabny varyjant». Što dumajuć biełarusy pra ŭviadzieńnie Hruzijaj trochhadovaha DNŽ dla ajcišnikaŭ3

Tramp nie źbirajecca padpisvać zajavu G7 pa pytańni izrailska-iranskaha kanfliktu

Čamu rasijanie addali ŭkraincam cieły zabitych, a tyja — nie?9

bolš čytanych navin
bolš łajkanych navin

Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi1

Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi

Hałoŭnaje
Usie naviny →

Zaŭvaha:

 

 

 

 

Zakryć Paviedamić