Da spartovaha ahladalnika «Biełsatu» Alaksandra Puciły pryjšli siłaviki, jany ahladajuć kvateru.
Pra heta paviedamiŭ jahony syn Ściapan Śviatłoŭ, papularny błohier «NEXTA».
Pavodle jaho, baćku siońnia vyklikali ŭ milicyju ŭ Žodzina, kab «uziać tłumačeńni». Heta moža być źviazana z pastom Puciły ŭ fejsbuku, dzie toj vykazaŭ abureńnie, bo jaho nie prapuścili na matč «Tarpieda» — «Dynama Bieraście».
Z Žodzina Puciłu pavieźli ŭ Minsk dla «ahladu» jahonaj kvatery.
BAŽ źviazaŭsia z Puciłam pa chatnim telefonie. Jon skazaŭ, što ciapier «ludzi ŭ cyvilnym pravodziać pravierku pa chacie». Jakaja struktura heta robić, jon nie ŭdakładniaje. Pavodle žurnalista, jamu zabaraniajuć razmaŭlać.
Kamientary