Respublikanski subotnik prachodzić siońnia ŭ Biełarusi.
Dziaržorhany, miascovyja ŭłady, inšyja arhanizacyi pravodziać subotnik na pracoŭnych miescach abo dobraŭparadkujuć historyka-kulturnyja kaštoŭnaści, terytoryi nasielenych punktaŭ, rychtujuć dziciačyja azdaraŭlenčyja i spartyŭna-azdaraŭlenčyja łahiery da letniaha siezona. Udzieł u subotniku biaruć i kiraŭniki dziaržorhanaŭ.
Pałova zaroblenych na subotniku srodkaŭ zastajecca ŭ rasparadžeńni abłvykankamaŭ i Minharvykankama. Jany nakiroŭvajucca na padrychtoŭku dziciačych łahieraŭ da leta, dobraŭparadkavańnie nasielenych punktaŭ, a taksama adnaŭleńnie historyka-kulturnych kaštoŭnaściaŭ, miemaryjalnych kompleksaŭ, miescaŭ bajavoj i voinskaj słavy časoŭ Vialikaj Ajčynnaj vajny.
Jašče 50% srodkaŭ pieraličvajecca Ministerstvu finansaŭ. Hetyja srodki ŭ roŭnych dolach nakiroŭvajucca Nacyjanalnamu mastackamu muzieju i Homielskamu abłvykankamu dla rekanstrukcyi bratniaha pachavańnia na miescy spalenaj vioski Ała ŭ Śvietłahorskim rajonie.
Alaksandr Łukašenka ŭ dzień respublikanskaha subotnika budzie pracavać na pasadcy dreŭ u vioscy Laskavičy Pietrykaŭskaha rajona.
Alaksandr Łukašenka vyrašyŭ uziać udzieł u rabotach na terytoryi Nacyjanalnaha parka «Prypiacki».
Tut z metaj adnaŭleńnia lasnoj masy na płoščy ŭ paŭtara hiektara vysadziać niekalki tysiač sadžancaŭ chvoi z zakrytaj karaniovaj sistemaj.
Kamientary