U Žyrovickim manastyry prypyniajuć pryjom pałomnikaŭ. Sieminarysty, kažuć, na karancinie
U Śviata-Uśpienskim Žyrovickim manastyry i ŭ domie pałomnikaŭ da 10 maja prypynili pryjom naviedvalnikaŭ. Takaja infarmacyja raźmieščana na aficyjnaj staroncy klaštary va «UKantakcie». Pryčyna — epidemijałahičnaja situacyja ŭ śviecie. Razam z tym, čytačy TUT.BY paviedamlajuć, što prychadžan i słuchačoŭ sieminaryi, jakija byli na vielikodnaj słužbie, adpraŭlajuć na karancin.
Nahadajem, 20 krasavika stała viadoma, što archijepiskap Navahrudski i Słonimski, rektar Minskaj duchoŭnaj sieminaryi, Huryj trapiŭ u balnicu.
Archijepiskap Navahrudski i Słonimski Huryj u reanimacyi, padazreńnie na karanavirus
Na sajcie Navahrudskaj jeparchii ŭdakładniajecca: u archijepiskapa Huryja — pnieŭmanija. Na 21 krasavika jaho stan stabilny, jość palapšeńnie.
Tym nie mienš, žychary Žyrovičaŭ kažuć pra toje, što mnohich sieminarystaŭ adpraŭlajuć na karancin, a budaŭniki, jakija zaniatyja na restaŭracyi manastyra, pracavać stali ŭ maskach.
— Pa roznych źviestkach, ad 40 da 100 sieminarystaŭ adpraŭlenyja ŭ Słonim na karancin, — kaža adzin z žycharoŭ Žyrovičaŭ.
Paćvierdzić hetuju infarmacyju ŭ samoj sieminaryi nie ŭdałosia: pakul tam vyrašyli ŭstrymacca ad kamientaroŭ.
Pa słovach supracoŭnikaŭ manastyra, akramia časovaj admieny pałomnictva pakul jakich-niebudź źmianieńniaŭ tut niama.
Darečy, manastyru ŭ Žyrovičach u hetym hodzie spaŭniajecca 500 hadoŭ (i 550 hadoŭ — z momantu adšukańnia Žyrovickaj ikony Božaj Maci). Śviatočnyja mierapryjemstvy pakul zapłanavany na 18-20 maja 2020 hoda.
Kamientary