Minzdaroŭja patłumačyła, čamu słovy Karanika i abłasnoha kiraŭnictva adroźnivajucca ŭ razy
Jak razhortvajecca situacyja z karanavirusam u Dokšycach i Biešankovičach?
«U Dokšyckim rajonie zafiksavali 72 vypadki karanavirusa, Biešankovickim — 27, Loźnienskim — 22». Heta zajaviŭ načalnik hałoŭnaha ŭpraŭleńnia pa achovie zdaroŭja Viciebskaha abłvykankama Michaił Višniaviecki padčas pasiadžeńnia abłasnoha štaba.
A voś dakładnyja słovy ministra achovy zdaroŭja Uładzimira Karanika ŭ toj ža dzień na bryfinhu:
«Pa Asipovičach zarehistravana 32 łabaratorna paćvierdžanyja vypadki karanavirusnaj infiekcyi… Što tyčycca Miadzielskaha rajona, 65 paćvierdžanych vypadkaŭ. 25 vypadkaŭ — žychary rajona, astatnija — pryjezdžyja. Ciažkich vypadkaŭ siarod pacyjentaŭ nie vyjaŭlena.
…U Dokšycach kolkaść pnieŭmanij vyšej, čym u siarednim u inšych rajonach. I kolkaść pacyjentaŭ z paćvierdžanaj karanavirusnaj infiekcyjaj… Pa Dokšycach — zaraz dakładna skažu, kab nie schłusić (šukaje papiery) — heta 20 pacyjentaŭ z łabaratorna paćvierdžanaj karanavirusnaj infiekcyjaj. Biešankovičy — 7 pacyjentaŭ, nichto ź ich na ŠVŁ nie znachodzicca. Lozna — 8 pacyjentaŭ, taksama bieź ciažkich pnieŭmanij, biez ŠVŁ. U Dokšycach dva čałavieki atrymlivajuć dapamožnuju vientylacyju lohkich».
Čytajcie. Ličby Minzdaroŭja pa karanavirusie ŭ Dokšycach i Biešankovičach u 3-4 razy razychodziacca ź ličbami, nazvanymi kiraŭnikami vobłaści
Jak možna patłumačyć raźbiežku u kolkaści vypadkaŭ karanavirusa ŭ Dokšycach ad 20 da 72?
«[72] — heta nośbity virusa, a ministr nazvaŭ karanavirusnyja pnieŭmanii», — napisała ŭ žurnalisckim vajbier-čacie pres-sakratarka Ministerstva achovy zdaroŭja Julija Baradun.
Čamu ministr nazvaŭ kolkaść karanavirusnych pnieŭmanij «pacyjentami z łabaratorna paćvierdžanaj karanavirusnaj infiekcyjaj», zastajecca niezrazumiełym.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary