Z prośbaj ustrymacca ad padarožžaŭ pa śviecie i pakłapacicca pra siabie 20 sakavika da biełarusaŭ źviarnuŭsia Łukašenka. Hety siužet źjaviŭsia ŭ efiry telekanała STB. U hutarcy z žurnalistami Alaksandr Łukašenka pryvioŭ prykład, kali adzin z našych suajčyńnikaŭ utaiŭ infarmacyju pra svaje padarožžy i ŭ vyniku akazaŭsia nośbitam virusa.
I tolki kali stan staŭ krytyčnym, źviarnuŭsia da miedykaŭ. Jany, u svaju čarhu, vymušanyja byli ŭziać pad kantrol niekalki sotniaŭ čałaviek, ź jakimi kantaktavaŭ zaražany.
Čytajcie taksama: Biznesmien pryvioz karanavirus u Minsk. Praź jaho ŭ karancin trapili daktary «Łade», studenty BDU, vučni himnazii №20 i paračka tenisistaŭ
«Treba ludziej u rešcie rešt prymusić adkazvać za siabie i za tych, chto z taboj pobač. Kali ty smarkaješsia, prabač mianie, kašlaješ i charkaješ, dyk nie vychodź na vulicu i nie atručvaj inšych. Zarazu nie raznoś. U hetym sutnaść usia. Mnohija dziaržavy vielmi žorstkija miery ŭ hetym płanie robiać.
U vas moža być pytańnie: a ja čamu hetaha nie rablu? Skažu vam ščyra: my nie znachodzimsia ŭ toj situacyi, kab prymać drakonaŭskija miery», — skazaŭ Łukašenka.
«Tak, jość voś, ja tolki što raspaviadaŭ pra adnaho idyjota, niahodnika — jak chočaš jaho nazyvaj. Nu, zrazumieła, pajechaŭ ty za miažu. Zrazumieła, ty pabyvaŭ u Niamieččynie, Italii, Francyi. Ale ty pryjedź i skažy — my ciabie pravierym, kali treba, zrobim adpaviednaje zaklučeńnie. Ale jon ža kala 200 čałaviek… Uvajšoŭ u kantakt ź imi. I nam — ministru achovy zdaroŭja, virusałohii, uračam, ludziam i inšym — pryjšłosia pracavać za KDB, milicyju i inšych i ź imi razam šukać hetyja kantakty. 340 čałaviek! Dziakuj bohu, što jany zdarovyja akazalisia. Heta nie značyć, što jany nie zaražanyja byli. Jany prosta pieranieśli na nahach hety virus», — dadaŭ jon.
Kamientary