Trahičnaja historyja adbyłasia 3 lutaha ŭ Breście pa adrasie Suvorava, 106.
Heta taki «paŭsacyjalny dom», dzie, sa słovaŭ samich žycharoŭ, «pracentaŭ 70 pjuć, kašmar prosta».
Vyhladaje jon adpaviedna — heta byłaja małasiamiejka, uźviedzienaja ŭ 1985-m, pa bakach tam bałkony ahulnaha karystańnia z pažarnaj leśvicaj.
Mienavita z takoha bałkona vypaŭ bieraściejec. Ci byŭ jon pjany, nieviadoma. Žychary doma śćviardžajuć, što zvaliŭsia jon ci to z šostaha, ci to z vośmaha paviercha.
Upaŭšy na ziamlu, mužčyna zastaŭsia žyvy i navat znajšoŭ siły pazvanić u 103 i paviedamić, što zvaliŭsia ź leśvicy i nie moža padniacca.
Jak viadoma «Našaj Nivie», jon nie zdoleŭ nazvać kankretny adras, bo nie byŭ žycharom doma i tamu prosta nie viedaŭ jaho. Mužčyna nazvaŭ tolki vulicu i pačaŭ raskazvać pra toje, što znachodzicca pobač. Dyśpietčar taki vyklik nie pryniaŭ.
Praz paru hadzin ledź žyvoha mužčynu zaŭvažyŭ minak i vyklikaŭ chutkuju, užo nazvaŭšy dakładny adras. Ale stan paciarpiełaha da taho momantu pahoršaŭ, jon pamior, nie dačakaŭšysia pryjezdu miedykaŭ.
Paśmiarotna ŭ jaho dyjahnastavali niekalki pierałomaŭ chrybietnika i traŭmu hałavy.
«Śledčy kamitet praviaraje abstaviny śmierci mužčyny pa adrasie Suvorava, 106. U ramkach pravierki vyśviatlajucca ŭsie abstaviny, u tym liku abstaviny prybyćcia chutkaj dapamohi», — zajaviŭ «Našaj Nivie» aficyjny pradstaŭnik Śledčaha kamiteta pa Bresckaj vobłaści Dźmitryj Ivaniuk.
Ciapier vychady na pažarnuju leśvicu zakrytyja, žychary miarkujuć, što pryčynaj padzieńnia mahła stać prystupka, jakaja nie vytrymała vahi mužčyny.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA22
Kamientary