Ekśpiert: Kab arhanizavać alternatyŭnyja pastaŭki nafty, spatrebicca miesiac. Čyhunka — niesurjozny varyjant
Najpierš varta razumieć, čamu Rasija nie pastaŭlaje ŭ Biełaruś naftu. Tamu, što na heta nie pahadžajecca sama Biełaruś, bo nas nie zadavalniajuć umovy hetych pastavak i ich cana. A tak Rasija hatovaja pačać choć zaŭtra, ale pakul idzie handal.
Adzin z elemientaŭ hetaha handlu — daručeńnie Łukašenki znajści alternatyŭnyja krynicy pastavak nafty.
I takija mahčymaści jość. Praŭda, jak patłumačyła «Našaj Nivie» ekanamičnaja ahladalnica «Biełrynku» Taćciana Manionak, arhanizacyja pracesu raściahniecca prynamsi na miesiac.
«Arhanizacyjna heta ŭ pryncypie prosta, čyhunkaj možna pastaŭlać choć adkul, ale čyhunka — heta niesurjozna. Kab zahruzić našyja dva zavody, treba ŭklučać truby, a jany jość: možna pastaŭlać i z Polščy, i z Prybałtyki, i z Ukrainy.
Ale heta treba ŭzhadniać z apieratarami tych krain. Kolki im arhanizacyjna treba na heta času? Voś ukraincam — miesiac.
Z Prybałtykaj niajasna pa palityčnych pryčynach — u nas surjozny dypłamatyčny razład ź Litvoj, a z łatvijcami jašče nie vyčarpany vypadak, kali jany adpampavali 150 tysiač ton nafty z truby «Połack — Vientśpiłs», a hetuju naftu my ličym svajoj i praciahvajem sudzicca», — skazała Manionak.
Ale taksama važny momant — nakolki alternatyŭnyja pastaŭki buduć kamiercyjna vyhadnyja dla Biełarusi. Pakul nie zrazumieła, jakoj budzie ekanomika pytańnia alternatyŭnych pastavak, adznačaje ekśpiert.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy48
Kamientary