Arhanizatary «Vienskaha balu z A1 u Kupałaŭskim», praviadzieńnie jakoha zapłanavana na 14 śniežnia 2019 hoda ŭ Nacyjanalnym akademičnym teatry imia Janki Kupały, paviedamlajuć, što farmat padziei źmianiŭsia.
Bal stanie častkaj prezidenckaha balu, jaki projdzie ŭ Pałacy Niezaležnaści 27 śniežnia 2019 hoda. Pa režysiorskaj zadumcy, bal budzie ŭličvać tradycyi vienskich balaŭ ŭ Aŭstryi.
Debiutanty, jakija prajšli konkursny adbor dla ŭdziełu ŭ «Vienskim bali z A1 u Kupałaŭskim», zmohuć vystupić pierad haściami balu ŭ Pałacy Niezaležnaści.
Kampanija A1 voźmie na siabie abaviazacielstvy pa akazańni dabračynnaj dapamohi hramadskamu abjadnańniu «SOS-dziciačyja vioski Biełaruś». Na adras ŭstanovy buduć pieraličanyja srodki, ekvivalentnyja pałovie sumy, jakuju płanavałasia vyručyć ad prodažu kvitkoŭ na «Vienski bal z A1 u Kupałaŭskim».
Viarnuć hrašovyja srodki za kvitki na «Vienski bal z A1 u Kupałaŭskim», nabytyja raniej, možna ŭ kasie Nacyjanalnaha akademičnaha teatra imia Janki Kupały (vuł. Enhielsa, 7a) z 4 pa 20 śniežnia 2019 hoda.
Kamientary