19 lutaha prachodzić aficyjny vizit u Biełaruś delehacyi Jeŭrasajuzu na čale ź viarchoŭnym pradstaŭnikom pa pytańniach supolnaj zamiežnaj palityki i palityki biaśpieki ES, hienieralnym sakratarom Rady ES.
«Ja b vielmi paprasiŭ, kab u adnosinach pamiž Biełaruśsiu i Jeŭrasajuzam my pastaralisia vyklučyć usiakich pasrednikaŭ, asabliva tych, chto niepryjazna stavicca da našaj krainy»,
— zajaviŭ Alaksandr Łukašenka 19 lutaha ŭ Minsku na sustrečy z pradstaŭnikom pa pytańniach ahulnaj źniešniaj palityki i palityki biaśpieki Jeŭrasajuza, hienieralnym sakratarom Savieta ES Chaŭjeram Sałanam.
«Ja maju na ŭvazie pasrednikaŭ jak unutry krainy, tak i za jaje miežami, a ich šmat», — zajaviŭ A.Łukašenka.
Pavodle jaho słoŭ, hałoŭnaja meta siońniašniaj sustrečy — "ź pieršych vusnaŭ vykazać vam usio toje, što my hatovy zrabić dla naładžvańnia ciesnych i daviernych adnosinaŭ pamiž Biełaruśsiu i Jeŭrasajuzam".
"Ja chaču raskazać vam, što my možam zrabić, a što nie možam zychodziačy ź intaresaŭ našaj krainy", — skazaŭ A.Łukašenka.
Pry hetym jon padkreśliŭ, što budzie "havaryć tolki praŭdu"."My nie chočam i nie źbirajemsia padmanvać ES. Jak by ni było horka, my budziem kazać vam praŭdu, što my možam zrabić, a što — nie", — zajaviŭ A.Łukašenka.
Jon vykazaŭ padziaku Ch.Sałanu za toje, što toj zrabiŭ "dla naładžvańnia našych adnosinaŭ ź Jeŭropaj".
"Biez vas nie było b taho paciapleńnia, jakoje adbyvajecca zaraz", — zaznačyŭ A.Łukašenka.
U toj ža čas, pavodle słoŭ biełaruskaha kiraŭnika, u jaho "składvajecca ŭražańnie, što ciapierašni etap našych adnosinaŭ charaktaryzujecca najaŭnaściu niejkaha handlu jak u ekanamičnaj, tak i ŭ palityčnaj śfiery". "Heta, musić, niepaźbiežna ŭ palitycy, ale, ja liču, niepažadana", — skazaŭ A.Łukašenka.
Pavodle jaho mierkavańnia, u Jeŭrasajuzie "dobra ŭśviedamlajuć, što značyć sučasnaja Biełaruś dla Jeŭropy".
Sa svajho boku Ch.Sałana zaznačyŭ, što ES razhladaje Biełaruś jak jeŭrapiejskuju krainu. "Pierakanany, što naša siońniašniaja razmova budzie kanstruktyŭnaj i karysnaj dla našych adnosinaŭ. Ja
taksama budu z vami absalutna ščyry", — skazaŭ Ch.Sałana.
Pavodle jaho słoŭ, uvieś śviet ciapier sprabuje pieraadoleć nastupstvy ekanamičnaha kryzisu, jaki budzie mieć i hłabalnyja palityčnyja nastupstvy. "Ja dumaju, što nadyšoŭ čas i heta abmierkavać u našych adnosinach", — zajaviŭ pradstaŭnik ES.
Ch.Sałana prybyŭ u Minsk pozna viečaram 18 lutaha. Heta pieršy vizit u Biełaruś jeŭračynoŭnika takoha ŭzroŭniu. Aprača aficyjnych pieramoŭ jon sustreŭsia z pradstaŭnikami hramadzianskaj supolnaści i apazicyi.
Jak paviedamiŭ Ch.Sałana napiaredadni vizitu, jon jedzie ŭ Minsk "zajavić pra cikavaść ES raźvivać adnosiny ź Biełaruśsiu".
U MZS prajšli pieramovy sam‑na‑sam pamiž ministram zamiežnych spraŭ Biełarusi Siarhiejem Martynavym i Hienieralnym sakratarom Rady ES Chaŭjeram Sałanam. Sustreča ciahnułasia bolš za hadzinu.
Pieramovy ŭ pašyranym składzie nie adbylisia. Siarhiej Martynaŭ zajaviŭ, što pieramovy praciahnucca ŭ Alaksandra Łukašenki.
Pres‑sakratar Ch.Sałany patłumačyła žurnalistam pazicyju Jeŭrasajuza, jaki choča bolš ščylnych stasunkaŭ ź Biełaruśsiu. Ale chacieŭ by bačyć u Biełarusi dalejšyja demakratyčnyja pracesy.
***
19 lutaha prachodzić aficyjny vizit u Biełaruś delehacyi Jeŭrasajuza na čale ź viarchoŭnym pradstaŭnikom pa pytańniach supolnaj zamiežnaj palityki i palityki biaśpieki ES, hienieralnym sakratarom Rady ES Chaŭjeram Sałanam.
Jak paviedamiła pres‑słužba Ch.Sałany, vizit daść mahčymaść abmierkavać «apošnija padziei ŭ Biełarusi, dvuchbakovyja adnosiny i rehijanalnyja pytańni».
Napiaredadni vizitu viarchoŭny pradstaŭnik ES skazaŭ žurnalistam, što jedzie ŭ Minsk «zajavić pra intares ES raźvivać adnosiny ź Biełaruśsiu».Jon taksama zaznačyŭ, što biełaruskimi ŭładami byli pryniatyja «važnyja rašeńni, ale hetyja rašeńni pavinny supravadžacca adkaznaściu va ŭsich śfierach».
Heta pieršy vizit jeŭračynoŭnika takoha ŭzroŭniu ŭ Biełaruś. Čakajecca, što ŭ sakaviku biełaruskuju stalicu naviedaje jeŭrakamisar pa źniešnich suviaziach Bienita Fierera‑Valdnier.
Stała viadomaja asoba rabočaha «Biełaruśkalija», jaki zahinuŭ pry abrušeńni hornaj parody1
Kamientary