Francuzski sud pryznaŭ śmierć padčas seksu ŭ kamandziroŭcy «niaščasnym vypadkam na vytvorčaści»
Sud u Paryžy vyrašyŭ, što francuskaja kampanija niasie finansavyja abaviazańni ŭ suviazi sa śmierciu supracoŭnika, u jakoha zdaryŭsia infarkt padčas seksu ź nieznajomkaj u kamandziroŭcy. Pra sudovy precedent piša Radyjo Svaboda.
Jak paviedamlaje Bi-bi-si, sud pastanaviŭ, što śmierć Chavjera Ch — niaščasny vypadak na vytvorčaści, a jahonaja siamja maje prava na kampiensacyju.
Firma śćviardžała, što mužčyna nie vykonvaŭ prafiesijnych abaviazkaŭ, kali jon pajšoŭ da žančyny ŭ jaje numar u hateli. Ale pavodle francuskaha zakanadaŭstva pracadaŭca niasie adkaznaść za luby niaščasny vypadak, jaki adbyŭsia padčas kamandziroŭki, pastanavili sudździ.
Supracoŭnik u kamandziroŭcy maje prava na sacyjalnuju abaronu «na praciahu ŭsiaho času pajezdki» i niezaležna ad abstavin, havorycca ŭ rašeńni sudu.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary