Daradca prezidenta ZŠA pa nacyjanalnaj biaśpiecy Džon Bołtan nazvaŭ sustreču z Łukašenkam, jakaja praciahvałasia bolš za 2 hadziny, vielmi važnaj, piša BiełTA.
Pa słovach Džona Bołtana, byli abmierkavany samyja roznyja pytańni. Baki nie pryjšli da peŭnych rašeńniaŭ, razam z tym padkreślena važnaść praviedzienaj dyskusii.
«U nas była vielmi doŭhaja dyskusija z prezidentam Biełarusi (prykładna 2 hadziny 15 chvilin).
Jana achapiła vielmi šyrokija temy — palityku, ekanomiku, pytańni biaśpieki jak u rehijonie, tak i va ŭsim śviecie. Heta była vielmi važnaja sustreča. Viadoma, my nie pryjšli da jakich-niebudź kankretnych rašeńniaŭ na joj, ale było vielmi važna abmierkavać usie hetyja pytańni», — skazaŭ savietnik prezidenta ZŠA.
Džon Bołtan adznačyŭ, što ŭ Biełarusi i ZŠA jość peŭnyja składanaści ŭ adnosinach, i adpaviednyja pytańni abmiarkoŭvalisia na sustrečy. Jašče adnoj temaj dla razmovy była novaja hieapalityčnaja realnaść u rehijonie i mahčymaści sumiesnaj raboty ŭ hetym płanie.
Adkazvajučy na pytańnie BiełTA pra toje, ci abmiarkoŭvałasia mahčymaść adnaŭleńnia dypłamatyčnaha pradstaŭnictva pamiž Biełaruśsiu i ZŠA na ŭzroŭni pasłoŭ, daradca amierykanskaha prezidenta skazaŭ: «My nie abmiarkoŭvali hetaje pytańnie. Jak vy viedajecie, u nas byli składanyja momanty ŭ dvuchbakovych adnosinach, i nam treba bačyć prahres u peŭnych śfierach dla taho, kab u nas byŭ prahres u adnaŭleńni dypłamatyčnaha pradstaŭnictva. Ja pryjechaŭ siudy biez namieru dać adkazy na padobnyja pytańni».
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym3
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary