Utrymańnie zołata ŭ kanalizacyjnych adychodach horada Suva na poŭdni japonskaj prefiektury Nahana składaje ŭ siarednim 1890 hram na tonu popiełu, jaki ŭtvarajecca ŭ pracesie spalvańnia suchoha apadku.
Utrymańnie zołata ŭ kanalizacyjnych adychodach horada Suva na poŭdni japonskaj prefiektury Nahana składaje ŭ siarednim 1890 hram na tonu popiełu, jaki ŭtvarajecca ŭ pracesie spalvańnia suchoha apadku.
Pra hetaje paviedamili ŭłady horadu. Ułady prefiektury Nahana ŭžo abvieścili pra namier pačać pramysłovuju zdabyču zołata z adkidaŭ Suvy. Tym bolej, što technałahična hetaje mahčyma. Pavodle japonskaj technałohii ŭtylizacyi adychodaŭ, z kanalizacyjnych ściokaŭ vyparvajecca vada. A suchi asadak spalvajecca ŭ admysłovych piečach. Paśla z popiełu mahčymaja zdabyča karysnych elemientaŭ.
U 2009 hodzie ŭłady Nahana čakajuć atrymać ad «ekspłuatacyi» svojeasablivaj załatoj žyły nie mieniej za 15 młn jenaŭ (kala 125 tys. dalaraŭ) čystaha prybytku, z ulikam usich vydatkaŭ i spłaty padatkaŭ.
Darečy, va ŭmovach finansavaha kryzisu ŭsio bolej inviestaraŭ vykazvajuć žadańnie ŭkładać u žoŭty mietał. U 2008 hodzie košt trojskaj uncyi zołata (31,10348 hramma) ŭžo siahnuŭ 1030 dalaraŭ ZŠA i maje tendencyi da rostu.
A sabiekošt «atrymańnia zołata z popiełu» budzie mienšym čym navat pry pramysłovaj zdabyčy. Dla paraŭnańnia: u rudach japonskaha radovišča Chisikary, adnaho z samych bahatych radoviščaŭ u śviecie, pakazčyk utrymańnia zołata vahajecca ŭsiaho ad 20 da 40 hram na tonu.
Vysokaje ŭtrymańnie kaštoŭnych mietałaŭ u ściokach horadu tłumačać vialikaj kancentracyjaj elektronnaj pramysłovaści ŭ rehijonie. U pryvatnaści, u Suvie raźmieščany štab-kvatery i vytvorčyja mahutnaści takich hihantaŭ, jak Seiko i Epson.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary