Orden Maci nie buduć davać žančynam, jakich pryciahvali da «administratyŭki»
U Biełarusi źmianiajucca padychody da ŭznaharodžańnia šmatdzietnych maci ordenam Maci. Adpaviedny zakon padpisaŭ kiraŭnik dziaržavy. Dakumientam unosiacca źmianieńni ŭ dziejučy zakon «Ab dziaržaŭnych uznaharodach Respubliki Biełaruś», paviedamlaje BiełTA.
Ciapier majucca dźvie padstavy, jakija pieraškadžajuć ŭznaharodžańniu žančyny ordenam Maci: najaŭnaść sudzimaści i amaralny ład žyćcia.
U adpaviednaści z novym zakonam da ŭznaharodžańnia nie buduć pradstaŭlacca šmatdzietnyja maci, jakija nienaležnym čynam vykonvajuć abaviazki pa vychavańni i ŭtrymańni dziaciej. Nie zmoža być uhanaravanaja asoba, pazbaŭlenaja abo adnoŭlenaja ŭ baćkoŭskich pravach, byłyja usynavicieli (udačarycieli), kali ŭsynaŭleńnie (udačareńnie) było admieniena.
Pradstaŭleńnie da ordena budzie niemahčyma ŭ vypadku, kali žančyna nieadnarazova pryciahvałasia da administracyjnaj adkaznaści za pravaparušeńni suprać hramadskaha paradku.
Akramia taho, zakonam uvodzicca patrabavańnie ab najaŭnaści ŭ dziaciej žančyny, pradstaŭlenaj da ordena Maci, hramadzianstva Biełarusi.
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie26
Kamientary