Maci nie dała synočku hrošaj na nabyćcio kamputara.
U Buda‑Kašaloŭskim rajonie 14‑hadovy padletak, vučań 9 kłasa, zabiŭ svaju maci.
Jak paviedamili BiełaPAN u rajonnaj prakuratury, zabojstva adbyłosia 17 studzienia ŭ vioscy Pušča.
U toj dzień padletak pryjechaŭ da maci, 1957 hoda naradžeńnia, na pracu na małočnatavarnuju fiermu i paprasiŭ hrošaj dla kupli kampjutera. Jana jamu admoviła i patłumačyła, što hrošaj niama.
Uviečary, pavodle słoŭ padazravanaha, jon vypivaŭ sa svajoj maci i jaje sužycielem. Kali sužyciel pajšoŭ, padletak uspomniŭ kryŭdu, uźnikła svarka, padčas jakoj chłopiec nanios maci ŭdary abuchom siakiery. Žančyna pamierła na miescy. Padazravany zatrymany, svaju vinu jon pryznaje.
19 studzienia padletku budzie pradjaŭlena abvinavačańnie i abrana miera strymańnia. Pavodle słoŭ supracoŭnikaŭ prakuratury,
maksimalnaje pakarańnie, praduhledžanaje zakanadaŭstvam u dačynieńni da niepaŭnaletniaha, — 12 hadoŭ pazbaŭleńnia voli.
Kamientary