Upieršyniu ŭ formie supracoŭnika NKVD ministr unutranych spraŭ Ihar Šunievič źjaviŭsia na śviatkavańni 9 Maja ŭ 2015 hodzie.
«Ja apranaju formu NKVD kožny hod 9 Maja. A maja žonka — ahulnavajskovuju formu časoŭ Vialikaj Ajčynnaj. U haražy MUS jość sapraŭdny muziejny ekspanat — adnoŭleny aŭtamabil 1947 hoda vypusku. Paśla paradu my z žonkaj siadajem u hety «Vilis» i jedziem pa Minsku, addajučy daninu pavahi ŭsim supracoŭnikam orhanaŭ unutranych spraŭ, jakija vajavali, hinuli ci byli źniaviečanyja vajnoj.
U hetaj formie jany pracavali ŭ ciažki paślavajenny čas, zmahalisia z uzbrojenymi bandami, abaraniali ludziej ad kryminalnikaŭ i nacysckich niedabitkaŭ. Tamu ja hanarusia tym, što ŭ mianie jość absalutna dakładnaja kopija hetaj formy», — kazaŭ jon u 2017 hodzie.
Letaś na śviatkavańni 9 Maja Šunievič znoŭ byŭ u formie NKVD. Sioleta, kali dziaržaŭnyja telekanały pakazvali kadry z hałoŭnaj trybuny na płoščy Pieramohi, było bačna, što Šunievič apranuty ŭ biełaruskuju milicejskuju formu.
U pieršym šerahu na fota źleva naprava: mitrapalit Minski Pavieł, staršynia Minharvykankama Anatol Sivak, pamočnik prezidenta pa biaśpiecy Viktar Łukašenka, kiraŭnik prezidenckaha spartyŭnaha kłuba Dźmitryj Łukašenka, Mikałaj Łukašenka, Alaksandr Łukašenka, staršynia Pałaty pradstaŭnikoŭ Uładzimir Andrejčanka, staršynia Savieta Respubliki Michaił Miaśnikovič, premjer-ministr Siarhiej Rumas, hienieralny prakuror Alaksandr Kaniuk, kiraŭnik Śledčaha kamiteta Ivan Naskievič, staršynia Kamiteta sudovych ekśpiertyz Andrej Švied, ministr unutranych spravaŭ Ihar Šunievič, ministr MNS Uładzimir Vaščanka, kiraŭnik prafsajuzaŭ Michaił Orda, vice-śpikier Savieta Respubliki Maryjana Ščotkina.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary