Chakiera pa mianušcy Satošy, jakoha šukali pa ŭsim śviecie, zatrymali ŭ Biełarusi. Heta vynik sumiesnaj apieracyi biełaruskich śledčych, adździeła «K» i FBR, paviedamlaje ANT.
30-hadovy małady čałaviek žyŭ u Babrujsku, u kvatery razam z baćkam. Pa infarmacyi śledstva chłopiec zarablaŭ na tym, što zdabyvaŭ źviestki viadomych kampanij, časta z adkrytych krynic, a paśla pradavaŭ ich.
«Satošy» padazrajuć u atakach na bankaŭskija siervisy, płaciežnyja sistemy, internet-kramy pa ŭsich kantynientach.
Pa dadzienych śledčych, uzłomščyk ździejśniŭ bolš za 300 tysiač kibieratak tolki ŭ ZŠA. Fiederalnaje biuro rasśledavańniaŭ u litaralnym sensie napałochałasia. Pad udaram apynulisia takija karparacyi jak Amazon i Western Union. Takoha praktyčna nikoli nie zdarałasia, ale da rasśledavańnia padklučylisia nie tolki FBR, a jašče i słužby biaśpieki mižnarodnych płaciežnych sistem. Hieahrafija kibierataki dzivić — praściej nazvać krainy, jakija nie padpali pad ich.
Chakiera «viali» bolš za hod. Jon skončyŭ škołu, nidzie nie vučyŭsia i nie pracavaŭ. Ale pry hetym u jahonym žyćci byli načnyja kłuby, kazino, elitny ałkahol i dziaŭčaty lohkich pavodzinaŭ. Pa materyjałach spravy, fihurant tolki za apošnija dva miesiacy zarabiŭ kala 60 tysiač dalaraŭ. Za ŭvieś pieryjad złačynnaj dziejnaści ličba mierkavanaha dachodu pačynajecca z šaści nuloŭ. Biełarusa zatrymali padčas čarhovych napadaŭ. I dziejničaŭ jon nie adzin.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy48
Kamientary