Mitrapalit Pavieł: Nie treba palityzavać temu nabaženstvaŭ na biełaruskaj movie, heta moža pryvieści da raskołu
Pra heta mitrapalit Minski i Zasłaŭski, Patryjaršy ekzarch usioj Biełarusi zajaviŭ u intervju Źviaździe.
«Kožny, chto žadaje malicca na rodnaj movie, maje takuju mahčymaść. Što ž datyčycca hramadskich nabaženstvaŭ na biełaruskaj movie, možna skazać, što ŭ nas dla hetaha jość praktyčna ŭsio. Ale my zaklikajem nie palityzavać i nie farsiravać temu. U sučasnym žyćci Carkvy jość dva momanty, jakija patrabujuć vielmi ŭvažlivaha i navat trapiatkoha staŭleńnia, — heta mova i kalandar. Farsiravać ich rašeńnie nie varta, bo heta moža pryvieści hramadstva da raskołu», — skazaŭ jon.
«Jašče raz chaču skazać, što zabarony malicca na rodnaj movie ŭ nas niama. U pravasłaŭi słužeńnie na nacyjanalnych movach dazvalałasia i vitałasia zaŭsiody, ale razam z tym u Carkvie nikoli nie znojdzie padtrymku ahresiŭny nacyjanalizm ź idejami nacyi jak kaštoŭnaści, vyšej za jakuju ničoha niama.
Usie raznavidnaści hetaj ideałohii ŭjaŭlajuć saboj pramoje parušeńnie druhoj zapaviedzi — stvareńnie z nacyi kumira i padmienu hetym idałam Žyvoha Boha. Prapahanda nacyjanalnaj vyklučnaści, niachaj heta budzie biełaruskaja, ruskaja ci jakaja-niebudź jašče, dla nas całkam nieprymalnaja, tamu što jana raźjadnoŭvaje ludziej», — dadaŭ patryjaršy ekzarch.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary