Uładzimir Zialenski, jaki pieramoh na vybarach prezidenta Ukrainy, zajaviŭ, što paśla jaho ŭstupleńnia na pasadu kiraŭnika dziaržavy zakon ab ŭkrainskaj movie «budzie staranna praanalizavany na pradmiet zachavańnia kanstytucyjnych pravoŭ i intaresaŭ usich hramadzian».
Jak napisaŭ Zialenski ŭ fejsbuku, ciapier «ciažka sprahnazavać nastupstvy pryniaćcia hetaha zakona». Nie było praviedzienaje «dosyć šyrokaje abmierkavańnie» prajektu dakumienta, ukazaŭ jon. Zialenski taksama źviarnuŭ uvahu na toje, što da kančatkovaha čytańnia zakonaprajekta było ŭniesiena kala dvuch tysiač papravak, a finalny varyjant dakumienta, pryniaty parłamientam 25 krasavika, pakul nie apublikavany.
Zialenski taksama adznačyŭ, što zakonaprajekt razhladaŭsia padčas pieradvybarčaj kampanii, što «zrabiła jaho zakładnikam palityčnaj rytoryki».
Piatro Parašenka, u svaju čarhu, nazvaŭ pryniaćcie zakona ab ŭkrainskaj movie «histaryčnym rašeńniem» i jašče adnym krokam na šlachu da «mientalnaj niezaležnaści».
Kurs na dalejšuju ŭkrainizacyju: Viarchoŭnaja Rada ŭchvaliła bieskampramisny zakon pra ŭkrainskuju movu
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy48
Kamientary