Brytanski kot-kleptaman skraŭ u małočnika hrošy i prynios dadomu
Kot-kleptaman, viadomy ŭsim susiedziam u akruzie svajoj zvyčkaj kraści rozny chłam, narešcie prynios dadomu «niešta sapraŭdy vartaje» — 25,7 funtaŭ (kala 30 jeŭra) najaŭnymi.
Kot pa mianušcy Tea viadomy žycharam anhlijskaha horada Ipśvič svajoj prychilnaściu da kradziažoŭ kaladnych upryhožańniaŭ i cacak. Jaho haspadyni Rejčeł Drue časta davodzicca šukać uładalnikaŭ cacak i viartać skradzienaje katom.
Haspadynia Tea časam žartavała, što lepš by jaje hadavaniec prynios niešta bolš kaštoŭnaje — hrošy, naprykład.
I voś, Tea narešcie prynios hrošy. Vaśmihadovy mietys sijamskaha kata ściahnuŭ hrošy, pakinutyja pakupnikom małočniku ŭ susiedniaj praduktovaj kramie.
Rejčeł Drue razam ź siamjoj pierabralisia niadaŭna na novaje miesca žycharstva i spadziavalisia, što kot kinuŭ durnuju zvyčku.
Adnak kot nie toje što nie kinuŭ kradziež, a, možna skazać, vyjšaŭ na novy ŭzrovień, paciahnuŭšy z pryłaŭka pakiecik z hrašyma.
Na ščaście, u pakieciku była zapiska z adrasam, i muž Rejčeł Poł Edvards zmoh viarnuć pakupniku skradzienyja katom hrošy.
«Jon patłumačyŭ maładomu čałavieku, što naš kot — chulihan i adroźnivajecca antysacyjalnaj pavodzinami. Małady čałaviek uśmichnuŭsia i ŭziaŭ hrošy, jak byccam takija vypadki ź im adbyvajucca pastajanna», — raspaviadaje haspadynia kata.
Pa słovach Poła Edvardsa, heta byŭ «vydatny» sposab paznajomić novych susiedziaŭ sa zvyčkami kata.
Bijołah Rodžer Tabar, jaki vyvučaje pavodziny žyvioł, kaža, što katy davoli časta prynosiać dadomu «trafiei», ale čaściej za ŭsio heta ježa z susiednich śmiećcievych bakaŭ.
«Sapraŭdnyja katy-zładziei — heta tyja, chto prynosiać dadomu toje, čym karystajecca čałaviek», — kaža bijołah.
Heta moža adbyvacca tamu, što jon nie navučany palavać na žyvuju zdabyču. Imavierna, kata zanadta rana razłučyli z maci.
«Biez narmalnych znosin z maci i inšymi kacianiatami ich uvahu ŭ darosłym stanie pryciahvajuć roznyja «cacki», i jany pačynajuć palavać na hetyja cacki», — kaža Rodžer Tabar.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary