11-kłaśnik, jaki zahinuŭ u škole ŭ Stoŭbcach, byŭ aktyvistam TBM, razmaŭlaŭ pa-biełarusku i nasiŭ majku z Pahoniaj FOTY
Pakul nieviadoma, što stała pryčynaj trahiedyi ŭ Stoŭbcach (Minskaja vobłaść), dzie siońnia 10-kłaśnik nakinuŭsia z nažom na nastaŭnicu i školnikaŭ. Zahinuła 53-hadovaja nastaŭnica historyi, a taksama 11-kłaśnik Alaksandr R.
Jašče niekalki školnikaŭ paranienyja, dvoje ź ich — u reanimacyi. Na miescy trahiedyi pracuje Śledčy kamitet, Stoŭbcy — u šoku.
My daviedalisia, kim byŭ Alaksandr R.
«Saša zaŭždy havaryŭ pa-biełarusku, — raskazaŭ «Našaj Nivie» aktyvist staŭbcoŭskaj supołki Tavarystva biełaruskaj movy Pavał Savicki. — Braŭ udzieł u dziejnaści rajonnaj supołki TBM. Apošnim časam mienavita jon vioŭ sacsietki staŭbcoŭskaha TBM u instahramie, fejsbuku, Ukantakcie… Saša byŭ vielmi dobry chłopiec. Aktyŭny, kampaniejski, dobra sychodziŭsia ź ludźmi, jakija vielmi pazityŭna reahavali na jaho movu», — raskazaŭ Savicki.
Siarod apošnich pastoŭ i pierapostaŭ na staroncy Alaksandra R.: vierš Niła Hileviča ab charastvie biełaruskaj ziamli, artykuł sa staronki Tavarystva biełaruskaj movy. Jon adznačaŭ 100-hodździe BNR. Taksama jon zachaplaŭsia matacykłami.
«Pahoniu» nasiła i jahonaja siabroŭka. Zdajecca, jon byŭ adnym ź niamnohich u svaim kłasie, jaki vioŭ staronku ŭ sacsietkach pa-biełarusku. Jaho adnakłaśniki, ź jakimi my źviazvalisia, adkazvali nam pa-rusku.
Usie adnakłaśniki, ź jakimi my havaryli, kažuć, što nie zaŭvažali nijakich adnosin miž napadnikam i achviaraj. Pakul ciažka skazać, ci Alaksandr R. byŭ metaj napadu Vadzima M., ci jon staŭ vypadkovaj achviaraj, ci jon akazaŭ supraciŭ i sprabavaŭ spynić napadnika.
Voś inšyja fotazdymki sa staronki chłopca, jaki zahinuŭ:
Kamientary