Jeŭrapiejskich pracadaŭcaŭ abaviažuć davać dekretny adpačynak maładym baćkam. Paśla naradžeńnia novaha člena siamji jeŭrapiejskija taty ŭ luboj krainie ES zmohuć harantavana ŭziać minimum 10 dzion apłatnaha adpačynku, paviedamlaje «Jeŭra-puls».
Heta i šerah inšych prapanoŭ Jeŭrakamisii, uniesienych u 2017 hodzie, atrymali papiaredniaje adabreńnie Jeŭraparłamienta i Savieta ES. Jany mohuć ustupić u siłu ŭžo ŭ hetym hodzie.
Da hetaha času rašeńnie ab dekretnych adpačynkach prymali sami krainy-siabry ES. Baćkoŭski adpačynak byŭ praduhledžany ŭ 22 z 28 krain ES, a jaho praciahłaść varjiravałasia ad 1 dnia ŭ Italii da 64 u Słavienii. Zhodna ź letašnim apytańniem Jeŭrabaromietra, hetymi adpačynkami karystałasia bolš za 40% maładych baćkoŭ.
Akramia dekretnych adpačynkaŭ jeŭrapiejskija baćki zmohuć brać 5 dadatkovych dzion vodpusku ŭ hod — hetyja dni dadajucca da ŭžo isnujučych adpačynkaŭ abodvuch baćkoŭ. Takija ž mahčymaści źjaviacca ŭ tych, chto kłapocicca ab niepracazdolnych svajakach.
Akramia taho, jeŭrapiejskija pracadaŭcy pavinny buduć padać svaim siamiejnym supracoŭnikam mahčymaść vybrać hnutki hrafik ci, kali heta dazvalaje śfiera dziejnaści, brać častku pracy na dom.
Kamientary