Śpikiery parłamientaŭ Abchazii i Paŭdniovaj Asiecii raźličvajuć na pryznańnie Biełaruśsiu niezaležnaści respublik.
Śpikiery parłamientaŭ Abchazii i Paŭdniovaj Asiecii raźličvajuć na pryznańnie Biełaruśsiu niezaležnaści respublik.
Pra heta Nuzhar Ašuba i Znavur Hasijeŭ zajavili 16 śniežnia ŭ Minsku, adkazvajučy na pytańni žurnalistaŭ. Siońnia ŭ jakaści naziralnikaŭ jany ŭdzielničajuć u pracy 35‑j siesii Parłamienckaha schodu Biełarusi i Rasii.
«Pryznańnie niezaležnaści — heta sprava biełaruskaha parłamienta, prezidenta, naroda. My vierym u našu družbu. Dumaju, što rana ci pozna pryznańnie budzie», — zajaviŭ śpikier parłamienta Abchazii. Jon ličyć, što rašeńnie ab pryznańni respublik nie stanie pradmietam torhu pamiž Uschodam i Zachadam dla Biełarusi. «Palityka zaŭsiody źviazana ź intaresami. U Biełarusi jość intaresy i na Zachadzie, i na Uschodzie. Upeŭnieny, jana prymie maksimalna vyvieranaje rašeńnie», — skazaŭ N.Ašuba.
Jon paviedamiŭ, što pakul ad biełaruskaha boku nijakich harantyj ab pryznańni niezaležnaści respublik nie było. «Peŭnyja razmovy byli, ale ich źmiest ja nie chacieŭ by ahučvać», — zaznačyŭ abchazski palityk.
Nuzhar Ašuba zajaviŭ, što respubliki «nikudy nie śpiašajucca».«My pryniali rašeńnie ab niezaležnaści nie na hod‑dva, a naviečna. Praces pryznańnia Abchazii i Paŭdniovaj Asiecii pajšoŭ i jaho niemahčyma spynić», — ličyć jon.
Śpikier parłamienta Abchazii raźličvaje na ŭstupleńnie respublik u skład Sajuznaj dziaržavy. «Sajuznaja dziaržava nam daść vielmi šmat. Našy narody pieražyli składany pieryjad. Pryznańnie Rasijaj zabiaśpiečyła biaśpieku našych hramadzian — pryznańnie niezaležnaści Biełaruśsiu i ŭstupleńnie ŭ Sajuznuju dziaržavu pašyryć i ŭmacuje našu biaśpieku», — padkreśliŭ jon.
Kamientary