Nacyjanalny archiŭ Łatvii apublikavaŭ zasakrečanyja dakumienty KHB Łatvijskaj SSR.
U śpisie zavierbavanych hramadzian znajšli Alaksandra Kudrašova. Ciapier jon — kiraŭnik Łatvijskaj pravasłaŭnaj carkvy Maskoŭskaha patryjarchata mitrapalit Alaksandr.
Śviatar byŭ zavierbavany ŭ 1982 hodzie supracoŭnikam 5-ha adździeła 4-ha adździaleńnia Kamiteta dziaržaŭnaj biaśpieki Łatvijskaj SSR Alaksandram Iščankam, jaki prysvoiŭ svajmu ahientu psieŭdanim «Čytač».
U 1990 hodzie Kudrašoŭ uznačaliŭ Łatvijskuju pravasłaŭnuju carkvu.
Admietna, što praź niekalki hadoŭ jon daručyŭ kiravać restytucyjnaj ułasnaściu… svajmu kurataru. Jak paviedamlaje kompromat.lv, čekist Iščanka stvaryŭ dźvie kamiercyjnyja arhanizacyi, jakija mitrapalit Alaksandr upaŭnavažyŭ «kiravać i atrymlivać prybytak z žyłych damoŭ z haspadarčymi pabudovami, jakija naležać Łatvijskaj Pravasłaŭnaj carkvie».
Raniej u svajoj pracy na KHB pryznaŭsia kiraŭnik pravasłaŭnaj carkvy ŭ Litvie, archijepiskap Vilenski Chryzastom. Zrabiŭ jon heta pa ŭłasnaj inicyjatyvie ŭ 1992 hodzie.
U svaju čarhu, raskryćcio polskich archivaŭ časoŭ PNR vyjaviła, što ahientam polskich śpiecsłužbaŭ byŭ mitrapalit Varšaŭski Sava, kiraŭnik Polskaj aŭtakiefalnaj pravasłaŭnaj carkvy. Jon mieŭ ahienturny psieŭdanim «Jurek» i danosiŭ na kaleh vielmi aktyŭna. Uvohule, pry kancy epochi PNR Słužba biaśpieki kantralavała ŭsiu viarchoŭku pravasłaŭnaj carkvy ŭ Polščy.
U Bałharyi raskryćcio archivaŭ vyjaviła, što ahientami biaśpieki byli 11 z 14 jepiskapaŭ Bałharskaj pravasłaŭnaj carkvy.
Kamientary