Najlepšaj u śviecie krainaj dla viadzieńnia biznesu druhi hod zapar pryznana Vialikabrytanija, pazicyi jakoj nie zmahli pachisnuć navat aściarohi z nahody Brexit. Biełaruś zaniała ŭ rejtynhu Forbes 88-je miesca.
Lidaram rejtynhu karaleŭstva stała hodam raniej i zdoleła ŭtrymać liderstva, niahledziačy na ŭsie aściarohi inviestaraŭ z nahody taho, da jakich nastupstvaŭ moža pryvieści vychad krainy sa składu ES (Brexit).
U spravazdačy Forbes adznačana, što Vialikabrytanija stała adzinaj krainaj, jakaja nie apuściłasia nižej za 30-je miesca (u śpis Forbes uklučana 161 dziaržava) pry ranžyravańni udzielnikaŭ rejtynhu ni pa adnym z 15 pakazčykaŭ (abarona pravoŭ ułasnaści, uzrovień karupcyi, padatki, inavacyi, jakaść žyćcia i h.d.).
Druhoje miesca ŭ abnoŭlenym rejtynhu zaniała Šviecyja, jakaja zdoleła abyści Novuju Ziełandyju, jakaja brała «srebra» na praciahu papiarednich troch hadoŭ, i Niderłandy. Na trecim miescy Hankonh, hodam raniej zajmaŭ tolki šostaje miesca.
Akramia taho, u dziesiatku najlepšych krain dla viadzieńnia biznesu trapili Kanada, Danija, Sinhapur, Aŭstralija i Šviejcaryja. Horš za ŭsio biznesmienam žyviecca ŭ Centralnaafrykanskaj respublicy, Konha, Hviniei-Bisau, Ekvataryjalnaj Hviniei i Čadzie.
Z krain-susiedziaŭ Biełarusi najlepšy pakazčyk u Litvy — 27-je miesca. Polšča stała 34-aj, Łatvija 36-aj, Rasija 55-aj, a Ukraina 77-aj.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary